राज्यात प्राध्यापक भरतीचा विषय परत एकदा चर्चेत आलाय. महाराष्ट्र नवप्राध्यापक संघटना आता येत्या १५ सप्टेंबरपासून आंदोलन करणार, याची घोषणा संघटनेचे अध्यक्ष डॉ. संदीप पाथ्रीकर यांनी केली.
संघटनेच्या प्रमुख मागण्या:
मार्च २०२५ पर्यंतच्या सर्व रिक्त जागांवर १००% प्राध्यापक भरती व्हावी
सीएचबी प्राध्यापकांचं मानधन प्रती तास ₹१५०० पर्यंत वाढवावं
११ महिन्यांची कंत्राटी नोकरी आणि किमान ₹४५,००० महिन्याचं मानधन द्यावं
राज्यात नवा शैक्षणिक धोरण लागू झाल्यावर कॉलेजात प्राध्यापकांची कमतरता आड आलीये. शिक्षण मंत्री चंद्रकांत पाटील यांनी भरतीबाबत घोषणा केली खरी, पण अजून काही ठोस निर्णय झालेला नाही. त्यामुळे संघटना आता पुन्हा रस्त्यावर उतरणार.
पाथ्रीकर म्हणाले, ही लढाई पात्र उमेदवारांसाठी आणि त्यांच्या भविष्याच्या सुरक्षेसाठी आहे. सरकारने गांभीर्याने लक्ष घालावं, भ्रष्ट अधिकाऱ्यांवर कारवाई करावी आणि निर्णय लांबणीवर न टाकता लगेच घ्यावा.
कोल्हापूर विभागात शिक्षकेतर भरतीत घोटाळा झाल्याचं स्पष्ट झालंय. केवळ तिथंच नाही, तर राज्यभरातल्या सर्व सहसंचालक कार्यालयांची चौकशी व्हावी, आणि दोषींना पुन्हा नेमणूक देऊ नये, अशी संघटनेची स्पष्ट मागणी आहे.
Comments are closed.