अकरावी ऑनलाइन प्रवेश प्रक्रियेची तिसरी फेरी सुरू आहे, पण अजूनही भरपूर जागा रिकाम्या पडल्यात. जिल्ह्यात १ लाख १२ हजार ५२० जागांची एकूण प्रवेश क्षमता असून, आतापर्यंत फक्त २९ हजार ७८४ विद्यार्थ्यांनीच प्रवेश घेतलाय. म्हणजेच ७४ टक्के जागा अजूनही भरायच्या आहेत.
शासनाच्या माध्यमिक व उच्च माध्यमिक शिक्षण विभागामार्फत चालणाऱ्या अकरावी प्रवेश प्रक्रियेत सध्या तिसऱ्या फेरीसाठी अलॉटमेंट २६ जुलै रोजी जाहीर होणार आहे. जिल्ह्यात ५९ हजार २५२ विद्यार्थ्यांनी नोंदणी केली असून त्यातल्या ४८ हजार ५३३ जणांनी अर्ज पूर्ण केलेत. आतापर्यंत CAP मधून २४ हजार ५३० व कोटातून ५२५४ विद्यार्थ्यांनी प्रवेश घेतलाय.
विज्ञान शाखेची सर्वाधिक ४८ हजार ७४० जागांची क्षमता असून, तिथेही बहुतेक जागा अजून रिकाम्या आहेत. त्यामुळे विद्यार्थी व पालकांचे लक्ष आगामी फेऱ्यांकडे लागून आहे. शिक्षण विभाग आणि शिक्षक वर्गही ही प्रक्रिया अधिक पारदर्शक व प्रभावी होईल यासाठी प्रयत्नशील आहेत.
Comments are closed.