मराठा समाजातील तरुणांना उद्योगाच्या दिशेने प्रोत्साहन देण्यासाठी महाराष्ट्र सरकारने अण्णासाहेब पाटील आर्थिक विकास महामंडळ यांच्या माध्यमातून एक मोठी संधी उपलब्ध करून दिली आहे.
या योजनेंतर्गत आता वैयक्तिक कर्जासोबतच गट किंवा समूहाने व्यवसाय सुरू करणाऱ्यांना तब्बल 50 लाख रुपयांपर्यंत कर्ज दिले जाणार आहे.
या कर्जाची सर्वात महत्त्वाची बाब म्हणजे संपूर्ण व्याज सरकार भरते. गटाने बँकेकडून कर्ज घेतल्यास सात वर्षांच्या कालावधीत लागणारे लाखो रुपयांचे व्याज महामंडळाकडून परत केले जाते. लाभार्थ्यांनी फक्त मूळ कर्जाची रक्कम परत करायची असते.
सध्या वैयक्तिक स्वरूपात 15 लाख रुपयांपर्यंत कर्जाचा लाभ हजारो तरुण घेत आहेत. मात्र मोठ्या उद्योगांसाठी आता ‘गट कर्ज योजना’ अधिक प्रभावी करण्यात आली आहे. तसेच, मराठा समाजातील विद्यार्थ्यांसाठी उच्च शिक्षणासाठी कर्ज व व्याज परतावा योजना देखील उपलब्ध करून देण्यात आली आहे.
पात्रतेचे थोडक्यात मुद्दे
- अर्जदार मराठा समाजातील असावा
- वयोमर्यादा महामंडळाच्या नियमांनुसार
- गटाने व्यवसाय असल्यास नोंदणीकृत संस्था/समूह आवश्यक
- कर्जाची नियमित परतफेड अनिवार्य
नोकरी शोधण्यापेक्षा स्वतःचा उद्योग उभारून मालक बनण्याची सुवर्णसंधी आता मराठा तरुणांसाठी उपलब्ध झाली आहे. अधिक माहितीसाठी महामंडळाच्या अधिकृत संकेतस्थळाला भेट देऊन अर्ज करा आणि आपल्या स्वप्नातील व्यवसायाची सुरुवात करा.
Comments are closed.