अरे वरणगाव गावातलं एसआरपीएफचं (राज्य राखीव पोलिस दल) ट्रेनिंग सेंटर आता खरीखुरी उभी राहणार! सरकारनं पहिल्या टप्प्यात ४६३ पदांना मंजुरी देऊन या प्रकल्पाला चांगला वेग दिलाय. शिवाय तब्बल १५ कोटी ९० लाख ७२ हजार रुपयांची तरतूदही केली गेलीये.
जागा आधीपासूनच ठरलेली होती, पण हा प्रकल्प दुसरीकडे हलवणार अशी चर्चा होती. मात्र आमदार संजय सावकारे यांच्या पाठपुराव्यामुळेच हा प्रकल्प वरणगावातच अंतिम ठरलाय. जुलै २०२४ च्या मंत्रिमंडळ बैठकीत मंजुरी मिळाली, तर ऑगस्टमध्ये गृहविभागाने अधिकृत आदेश काढला.
या केंद्रासाठी एकूण १,३८० पदं प्रस्तावित असून त्यात पहिल्या टप्प्यात ४६३ पदं भरण्यात येणार आहेत. त्यात ४५० नियमित पदं – समादेशक, सहायक समादेशक, पोलीस उपअधीक्षक, पोलीस निरीक्षक, उपनिरीक्षक, हवालदार, शिपाई, तसेच वैद्यकीय अधिकारी, नर्स, लिपिक, लेखापाल आदी असतील. तर १२ पदं कंत्राटी पद्धतीने मोची, शिंपी, माळी, आया, स्वयंपाकी, भोजन सेवक, सफाई कामगार यांसाठी असणार आहेत.
मंत्री संजय सावकारे म्हणाले की, या केंद्रामुळे सुमारे १,५०० कुटुंबं वरणगावात स्थायिक होतील. शिक्षण, आरोग्य, वाहतूक क्षेत्राला चालना मिळेल. इतकंच नाही तर परिसरात ‘सीबीएसई’ शाळाही सुरू होणार असून तरुणांना प्रशिक्षण व नोकरीची चांगली संधी मिळणार आहे.
Comments are closed.