पुण्यातून एक महत्त्वाची बातमी! यूपीएससी म्हणजेच केंद्रीय लोकसेवा आयोगानं नागरी सेवा मुख्य परीक्षा 2025चं वेळापत्रक अखेर जाहीर केलंय. स्पर्धा परीक्षा देणाऱ्यांनं कान टवकारून ऐका – मुख्य परीक्षा येत्या 22 ते 31 ऑगस्ट दरम्यान दोन सत्रांत घेतली जाणार आहे.
या परीक्षेचं सविस्तर वेळापत्रक upsc.gov.in या अधिकृत वेबसाईटवर उपलब्ध आहे. सकाळचं सत्र 9 ते 12, आणि दुपारचं सत्र 2:30 ते 5:30 यावेळेत होणार आहे.
यंदा एकूण 979 पदांसाठी भरती होणार असून, यामध्ये IAS – 180, IPS – 150, IFS – 55, व अन्य सेवांच्या पदांचा समावेश आहे. पूर्व परीक्षेतून निवडलेले 14,161 उमेदवार मुख्य परीक्षेला बसणार आहेत – म्हणजे जागांपेक्षा तब्बल 12-14 पट स्पर्धा!
मुख्य परीक्षेत एकूण 9 वर्णनात्मक पेपर्स असणार आहेत. त्यापैकी दोन पेपर्स (इंग्रजी आणि एक भारतीय भाषा) पात्रता स्वरूपाचे असतील. उरलेले सात पेपर्स (4 सामान्य अध्ययन, 1 निबंध, 2 पर्यायी) गुणवत्तेसाठी मोजले जाणार.
Comments are closed.