जागतिक विकास क्षेत्रात करिअर करू इच्छिणाऱ्या विद्यार्थ्यांसाठी आणि पदवीधरांसाठी संयुक्त राष्ट्र विकास कार्यक्रम (UNDP) ने Paid Internship Program 2026 सुरू केला आहे. सुमारे १७० देशांमध्ये कार्यरत असलेल्या UNDP अंतर्गत ही इंटर्नशिप जागतिक दारिद्र्य निर्मूलन, शाश्वत विकास, सामाजिक समता आणि सार्वजनिक धोरण यांसारख्या महत्त्वाच्या विषयांवर प्रत्यक्ष काम करण्याची संधी देते.
अर्थशास्त्र, सार्वजनिक प्रशासन, पर्यावरण अभ्यास, आंतरराष्ट्रीय संबंध, व्यवसाय व्यवस्थापन आदी विविध क्षेत्रातील विद्यार्थी आणि ताजे पदवीधर अर्ज करू शकतात. इंटर्नना संशोधन, अहवाल लेखन, परिषद आयोजन, डेटा व्यवस्थापन आणि विकास प्रकल्पांमध्ये सहाय्य करण्याची जबाबदारी दिली जाते.
ही इंटर्नशिप पूर्णवेळ किंवा अर्धवेळ (Paid) स्वरूपात उपलब्ध असून जगातील सर्व देशांतील उमेदवार अर्ज करू शकतात. निवड झालेल्या इंटर्नना दरमहा स्टायपेंड दिले जाते तसेच भविष्यात UN किंवा UNDP प्रणालीमध्ये करिअरच्या संधीही उपलब्ध होऊ शकतात.
उमेदवार किमान १८ वर्षांचे असावेत, पदवीच्या अंतिम वर्षात किंवा पदव्युत्तर शिक्षण घेत असावेत आणि इंग्रजी/फ्रेंच/स्पॅनिश या UNDP च्या कार्यभाषांपैकी किमान एका भाषेचे ज्ञान आवश्यक आहे. अर्जाची अंतिम तारीख प्रत्येक इंटर्नशिपनुसार वेगवेगळी असून अर्ज UNDP च्या अधिकृत वेबसाइटवरील Job/Internship विभागातून ऑनलाइन करावा लागतो.
Comments are closed.