यूजीसी नेट जून २०२५ निकाल जाहीर! लाखो विद्यार्थ्यांची प्रतीक्षा अखेर संपली, स्कोअरकार्ड पाहण्यासाठी घ्या पुढील स्टेप्स! | UGC NET Result Out, Check Scorecard!

UGC NET Result Out, Check Scorecard!

राष्ट्रीय चाचणी संस्था (NTA) मार्फत घेण्यात आलेल्या यूजीसी नेट जून २०२५ सत्राच्या परीक्षेचा निकाल अखेर जाहीर झाला आहे. २५ ते २९ जून दरम्यान देशभरात विविध केंद्रांवर ही परीक्षा आयोजित करण्यात आली होती. लाखो विद्यार्थ्यांनी या परीक्षेत सहभाग घेतलेला होता आणि त्यांना गेल्या अनेक दिवसांपासून निकालाची उत्सुकतेने वाट होती.

UGC NET Result Out, Check Scorecard!

२१ जुलै रोजी सायंकाळी निकाल झाला जाहीर
२१ जुलै सायंकाळी NTA कडून अधिकृतरित्या घोषणा करण्यात आली की UGC NET जून २०२५ परीक्षेचा निकाल जाहीर करण्यात आला आहे. विद्यार्थ्यांना आता अधिकृत संकेतस्थळ ugcnet.nta.ac.in वर जाऊन आपला स्कोअरकार्ड पाहण्याची आणि डाउनलोड करण्याची सुविधा उपलब्ध करून देण्यात आली आहे.

निकाल पाहण्यासाठी अधिकृत संकेतस्थळावर जा
आपला निकाल पाहण्यासाठी उमेदवारांनी सर्वप्रथम ugcnet.nta.ac.in या अधिकृत वेबसाइटवर जावे. त्यानंतर वेबसाइटच्या होमपेजवरील “LATEST NEWS” सेक्शनमध्ये ‘UGC NET June 2025 Result’ या लिंकवर क्लिक करावे.

निकाल पाहण्यासाठी लागणारी माहिती
निकाल पाहताना उमेदवारांना आपला अर्ज क्रमांक (Application Number), जन्मतारीख (Date of Birth) आणि खाली दिलेला कॅप्चा कोड भरावा लागेल. ही माहिती भरल्यानंतर “Submit” बटनावर क्लिक करताच तुमचा निकाल स्क्रीनवर दिसेल.

तुमचे स्कोअरकार्ड अशा प्रकारे करा डाउनलोड
निकाल पाहिल्यानंतर ते स्क्रीनवर दिसेल, त्याचा प्रिंटआउट काढणे अथवा PDF स्वरूपात जतन करून ठेवणे आवश्यक आहे. कारण पुढील प्रोफेसरशिप, फेलोशिप किंवा डॉक्टरेट प्रक्रियेत हे स्कोअरकार्ड महत्त्वाचे दस्तऐवज ठरणार आहे.

नेट निकालाचे शैक्षणिक महत्त्व
UGC NET परीक्षा ही देशातील विद्यापीठांमध्ये सहाय्यक प्राध्यापक किंवा जूनियर रिसर्च फेलोशिप (JRF) साठी पात्रता देणारी महत्त्वाची परीक्षा आहे. या परीक्षेत पात्र ठरलेले विद्यार्थी शिक्षण व संशोधन क्षेत्रात आपले करिअर घडवू शकतात.

सावधगिरी – चुकीच्या वेबसाईट्सपासून दूर राहा
निकाल पाहताना केवळ NTA च्या अधिकृत संकेतस्थळावरूनच स्कोअरकार्ड पाहा. कोणत्याही तृतीयपक्षीय किंवा फेक वेबसाईट्सवर आपली वैयक्तिक माहिती देऊ नका. अधिकृत संकेतस्थळ हे सुरक्षित आणि खात्रीशीर असते.

निकालाबरोबर CET CELL ची सुद्धा महत्त्वाची घोषणा
दरम्यान, CET सेल कडून अभियांत्रिकी अभ्यासक्रमासाठी अंतिम गुणवत्ता यादी २४ जुलै रोजी जाहीर होणार असल्याची घोषणाही करण्यात आली आहे. त्यामुळे यूजीसी नेटसह आता CET विद्यार्थ्यांचाही निकाल हायलाईटमध्ये आहे.

Comments are closed.