राज्यात विरोधकांनी हिंदी सक्तीचा आरोप केल्यानंतर आणि सोशल मीडियावर तीव्र प्रतिक्रिया उमटल्यानंतर सरकारने अखेर पाय मागे घेतल्याचं चित्र आहे.
राज्य शैक्षणिक संशोधन व प्रशिक्षण परिषदेने इयत्ता ३री ते १०वीसाठी २०२५चा शालेय अभ्यासक्रम मसुदा प्रसिद्ध केला, पण विशेष म्हणजे या नव्या मसुद्यात तिसरी भाषा गायब आहे. यामुळं सरकारची भूमिका थोडी नरम झाल्याचं दिसतंय.
या अभ्यासक्रमात एकूण २० विषय आहेत — मराठी, इंग्रजी, गणित, विज्ञान, इतिहास, भूगोल, राज्यशास्त्र, अर्थशास्त्र, कलाशिक्षण, व्यावसायिक शिक्षण, शारीरिक शिक्षण, मूल्य शिक्षण वगैरे. सहावीतून व्यावसायिक शिक्षण हा स्वतंत्र विषय शिकवण्यात येणार असून, तिसरी ते पाचवीसाठी ‘परिसर अभ्यास’ऐवजी ‘आपले सभोवतालचे जग’ या नावाने दोन भाग करण्यात आले आहेत – भाग १ मध्ये विज्ञान व भूगोल, तर भाग २ मध्ये इतिहास आणि नागरिकशास्त्र.
SCERT ने हा संपूर्ण मसुदा www.maa.ac.in या संकेतस्थळावर उपलब्ध करून दिला आहे.
Comments are closed.