नाशिकमधील शिक्षक पात्रता परीक्षा (TET) दरम्यान गंभीर गोंधळ झाला. सीडीओ मेरी परीक्षा केंद्रात इंग्रजी माध्यमाच्या विद्यार्थ्यांना मराठी प्रश्नपत्रिका आणि मराठी माध्यमाच्या विद्यार्थ्यांना इंग्रजी प्रश्नपत्रिका देण्यात आल्या.
याशिवाय उत्तरपत्रिकाही उलट दिल्याने विद्यार्थ्यांचा केंद्राबाहेर तीव्र संताप उसळला आणि त्यांनी मोठा गदारोळ केला.
या गंभीर घोटाळ्याची माहिती परीक्षा केंद्राने शिक्षण विभागाला वेळेत दिली नाही. वृत्तपत्रात बातमी आल्यानंतर विभागाने चौकशी सुरू केली असून केंद्र संचालक व पर्यवेक्षकांकडून तत्काळ अहवाल मागवला आहे. समाधानकारक उत्तर न आल्यास कारवाईचे संकेत आहेत.
३६० विद्यार्थ्यांचे हे केंद्र असून प्रश्नपत्रिकांवरील माध्यम तपासण्यात झालेल्या निष्काळजीपणामुळे हा प्रकार घडल्याचे स्पष्ट झाले आहे. त्यामुळे परीक्षार्थी आता परीक्षा पुन्हा घेण्याची जोरदार मागणी करत आहेत.
Comments are closed.