सर्वोच्च न्यायालयाने सेवेत असलेल्या आणि ५३ वर्षांपर्यंत वय असलेल्या सर्व शिक्षकांना शिक्षक पात्रता परीक्षा (टीईटी) देणे बंधनकारक असल्याचा निर्णय दिला आहे. या निर्णयामुळे शिक्षणक्षेत्रात संभ्रम निर्माण झाला आहे, कारण अनेक शिक्षकांना अजूनही स्पष्ट नाही की नेमके कोणत्या शिक्षकांना ही परीक्षा द्यावी लागणार आहे.
टीईटीची बंधनकारक अटी पहिली ते आठवीच्या शिक्षकांवर लागू आहेत, पण नववी, सातवी, आठवी शिकवणारे शिक्षकांनाही ही परीक्षा द्यावी लागेल का, असा प्रश्न उपस्थित केला जात आहे. शिक्षणक्षेत्रातील शिक्षक असा सवाल करतात की, इतर कोणत्याही नोकरीत रुजू झाल्यावर पात्रता परीक्षा देणे अनिवार्य नसते, तर शिक्षकांवरच हे बंधन का आहे? अनेक जुने शिक्षक जेव्हा सेवेत रुजू झाले, तेव्हा टीईटीसाठी कोणताही नियम नव्हता, आता तो नियम त्यांच्या बाबतीतही लागू केल्याने संभ्रम वाढला आहे.
५३ वर्षांपेक्षा जास्त वय असलेल्या शिक्षकांना टीईटीमधून सूट आहे, पण पदोन्नतीसाठी हा नियम लागू राहणार आहे. म्हणजे वय जास्त असूनही पदोन्नती हवी असेल, तर टीईटी उत्तीर्ण करणे आवश्यक आहे.
निर्णयानुसार, पहिली ते आठवीच्या, ५३ वर्षांपर्यंतच्या आणि कोणत्याही वर्षी सेवेत रुजू झालेल्या सर्व शिक्षकांना टीईटी द्यावी लागणार आहे, ज्यावर देशभरातून विरोध व्यक्त होत आहे.
Comments are closed.