अरे बापरे! आपल्या सिंधुदुर्ग जिल्ह्यात शाळा सुरू व्हून महिना झाला तरी अजून ३५० पेक्षा जास्त शिक्षकांची पदं रिक्तच आहेत. गावातली मुलं शिकतायत पण बिनशिक्षक शाळांमध्ये – ह्याचा फटका थेट शिक्षणावर बसतोय.
काका कुडाळकर (राष्ट्रवादी – अजित पवार गट) म्हणतात, २०१३ पासूनच्या शिक्षकपात्रता परीक्षा गोंधळामुळे स्थानिक डीएड उमेदवारांचा बळी गेला. कित्येक वेळा आंदोलने झाली, पण शिक्षण खात्याने अजून काही केलं नाही. १५ मार्च २०२४ चा शासन निर्णय डीएड उमेदवारांना संधी देण्यासाठी बदलावा, अशी मागणी उद्या पालकमंत्री नीतेश राणे यांच्याकडे करणार.
शाळा आहेत, विद्यार्थी आहेत पण शिक्षक नाहीत! निवृत्त शिक्षकांना बोलावलं तरी फारसा प्रतिसाद मिळाला नाही. सांगली जिल्हा परिषदाने ३ जुलैला निवृत्त शिक्षकांची नेमणूक केली, पण आपल्या जिल्ह्यात मात्र कारभार अजूनही संथ गतीनं चाललाय.
काका कुडाळकर म्हणतात, “शासनाच्या निर्णयात बदल करून आता तरी स्थानिक तरुणांना – डीएड धारकांना – कंत्राटी पद्धतीने संधी द्यावी, हेच योग्य आहे.”
Comments are closed.