सरकारी नोकरीची तयारी करणाऱ्या उमेदवारांसाठी Supreme Court of India कडून महत्त्वाची भरती जाहीर करण्यात आली आहे. विविध प्रशासकीय व तांत्रिक पदांसाठी ही भरती असून ऑनलाईन अर्ज प्रक्रिया २३ फेब्रुवारी २०२६ पासून सुरू झाली आहे. इच्छुक उमेदवार ८ मार्च २०२६ पर्यंत अर्ज करू शकतात.
या भरती अंतर्गत सहाय्यक संपादक (५ पदे), सहाय्यक ग्रंथपाल (१४ पदे), वरिष्ठ न्यायालय सहाय्यक – संग्रहालय (२ पदे) आणि सहाय्यक संचालक (१ पद) अशी एकूण २२ पदे भरली जाणार आहेत. प्रत्येक पदासाठी वेगवेगळी शैक्षणिक पात्रता व अनुभव अट लागू आहे.
निवड झालेल्या उमेदवारांना आकर्षक वेतनश्रेणी देण्यात येणार आहे. सहाय्यक संपादक पदासाठी वेतन स्तर १२ अंतर्गत मूळ वेतन ₹७८,८००, सहाय्यक संचालक पदासाठी वेतन स्तर ११ अंतर्गत ₹६७,७०० तर वरिष्ठ न्यायालय सहाय्यक व सहाय्यक ग्रंथपाल पदांसाठी वेतन स्तर ८ अंतर्गत ₹४७,६०० इतके मूळ वेतन मिळेल.
अर्ज करण्यासाठी उमेदवारांनी सुप्रीम कोर्टाच्या अधिकृत वेबसाइटला भेट देऊन Recruitment विभागात संबंधित पदाचा अर्ज भरावा. फॉर्म सबमिट करण्यापूर्वी सर्व माहिती काळजीपूर्वक तपासणे आवश्यक आहे. ही भरती उच्च शिक्षण घेतलेल्या व अनुभवी उमेदवारांसाठी केंद्र सरकारमध्ये स्थिर आणि मानाची नोकरी मिळवण्याची उत्तम संधी आहे.
Comments are closed.