स्टाफ सिलेक्शन कमिशन (SSC) ने कॉन्स्टेबल आणि रायफलमॅन (जनरल ड्युटी) पदांसाठी मोठी भरती जाहीर केली असून, देशभरातील तरुणांसाठी ही एक मोठी रोजगाराची संधी आहे. केंद्रीय सशस्त्र पोलीस दलांमध्ये (CAPF) एकूण 25,487 रिक्त पदांसाठी ही भरती होणार आहे. SSC GD ऑनलाइन अर्ज प्रक्रिया 1 डिसेंबर 2025 पासून सुरू झाली असून अर्ज करण्याची अंतिम तारीख 31 डिसेंबर 2025 आहे.
या भरतीद्वारे BSF, CRPF, CISF, ITBP, SSB, Assam Rifles आणि SSF अशा प्रमुख सुरक्षा दलांमध्ये उमेदवारांची निवड केली जाणार आहे. 10वी पास पात्र उमेदवार SSC च्या अधिकृत संकेतस्थळावरून — ssc.gov.in — ऑनलाइन अर्ज करू शकतात.
अधिसूचनेत शैक्षणिक पात्रता, वयोमर्यादा, परीक्षा पद्धत, शारीरिक चाचण्यांची माहिती सविस्तर देण्यात आली आहे. सामान्य श्रेणीतील उमेदवारांना ₹100 अर्ज शुल्क भरावे लागेल, तर महिला तसेच SC/ST आणि माजी सैनिक (ESM) उमेदवारांना शुल्कमाफी मिळणार आहे.
SSC GD भरती प्रक्रियेमध्ये कंप्युटर आधारित परीक्षा (CBE), शारीरिक मापदंड चाचणी (PST), शारीरिक कार्यक्षमता चाचणी (PET), वैद्यकीय तपासणी (DME/RME) आणि कागदपत्र पडताळणी या टप्प्यांचा समावेश असेल. धावणे, उंच उडी, लांब उडी यांसारख्या कार्यक्षमतेच्या चाचण्या देखील घेतल्या जातील.
10वी पास उमेदवारांसाठी सरकारच्या सुरक्षा दलात भरती होण्याची ही एक उत्तम संधी असून, अर्ज करणाऱ्या उमेदवारांनी अंतिम मुदत लक्षात घेऊन अर्ज प्रक्रिया पूर्ण करण्याचे आवाहन करण्यात आले आहे.
Comments are closed.