मित्रांनो, आपल्याला माहीतच आहे, अयोध्येतील प्राणप्रतिष्ठेनिमित्त संपूर्ण देश भक्तिमय झाला आहे. आता सर्वांनाच रामाच्या दर्शनाची उत्सुकता लागली आहे. या संधीचा फायदा घेण्यासाठी देशातील सर्व विमान कंपन्या आपापल्या मार्गाने प्रयत्नशील आहेत. अनेक प्रकारच्या ऑफर्सही दिल्या जात आहेत. आता विमान कंपनीने मर्यादित कालावधीसाठी अयोध्येला स्वस्तात उड्डाण करण्याची ऑफर दिली आहे. ही ऑफर स्पाइसजेट कंपनीकडून आली आहे. कंपनी फक्त १६२२ रुपयांमध्ये अयोध्येला पोहोचण्याची संधी देत आहे. तिकिटांची विक्री आजपासून म्हणजेच २२ जानेवारीपासून सुरू झाली आहे. जे सुमारे आठवडाभर म्हणजे २८ जानेवारीपर्यंत सुरू राहणार आहे. या ऑफर अंतर्गत प्रवासाचा कालावधी २२ जानेवारी ते ३० सप्टेंबर असा ठेवण्यात आला आहे. याचा अर्थ असा की, तुम्ही या प्रवासाच्या कालावधीसाठी २२ ते २८ जानेवारीदरम्यान कधीही तिकीट बुक करू शकता. हि ऑफर खालील माहितीच्या आधारे आपण त्वरित ग्रॅब करू शकता.
विमान कंपनीने सवलतीही जाहीर केल्या आहेत. कंपनी स्पाइसमॅक्सवर ३० टक्के सूटही देत आहे. ही ऑफर मुंबई-गोवा, दिल्ली-जयपूर आणि गुवाहाटी-बागडोगरा या लोकप्रिय देशांतर्गत मार्गांवरदेखील लागू केली जाऊ शकते. १ फेब्रुवारीपासून देशातील अनेक शहरांमधून अयोध्येसाठी विमानसेवा सुरू करण्याचा निर्णय एअरलाइन्सने घेतला आहे. कंपनीने चेन्नई, अहमदाबाद, जयपूर, पाटणा, दरभंगा, दिल्ली, मुंबई आणि बंगळुरू यांसारख्या शहरांमधून अयोध्येला थेट विमानसेवा सुरू करण्याची योजना आखली आहे.
स्पाइसजेटच्या म्हणण्यानुसार, या ऑफरचा फायदा घेण्यासाठी २२ ते २८ जानेवारीपर्यंत तिकीट बुक करता येणार आहे. ही ऑफर २२ जानेवारी ते ३० सप्टेंबर २०२४ पर्यंतच्या प्रवासासाठी नॉन स्टॉप देशांतर्गत आणि आंतरराष्ट्रीय विमान प्रवासावर वैध आहे. २३ जानेवारीपासून राम मंदिर सर्वसामान्यांसाठी खुले होणार आहे. अयोध्येला दररोज दोन ते तीन लाख लोक पोहोचू शकतील, असा अंदाज आहे. पंतप्रधान नरेंद्र मोदी यांनी ३० सप्टेंबर रोजी अयोध्येतील महर्षि वाल्मिकी आंतरराष्ट्रीय विमानतळाचे उद्घाटन केले होते. त्याच विमानतळावर आता प्रवाशांची मोठ्या प्रमाणात गर्दी होण्याची शक्यता आहे.
