नाशिक जिल्ह्यातील बोगस शालार्थ आयडी प्रकरणाने शिक्षण क्षेत्रात मोठी खळबळ माजली असून, या घोटाळ्याच्या तपासासाठी आलेल्या एसआयटीने नाशिकमध्येच आपला तंबू ठोकलेला आहे.
आतापर्यंत जिल्ह्यातील तब्बल १४ शिक्षण संस्थांची छाननी झाली असून ही मोहीम अजूनही सुरूच आहे. शिक्षकांची मान्यता, शालार्थ आयडी आणि रुजू नोंदी यांची सूक्ष्म तपासणी करण्यात येत आहे. या कारवाईमुळे अनेक संस्थांमध्ये आणि अधिकाऱ्यांत चिंतेचे वातावरण निर्माण झाले आहे.
पुण्याच्या विभागीय महसूल आयुक्तांच्या अध्यक्षतेखाली असलेल्या सहा सदस्यीय एसआयटीने मोठ्या आणि छोट्या सर्व शाळांची चौकशी गतीने सुरू ठेवली आहे.
नाशिक विभागात या बनावट शालार्थ आयडी प्रकरणी एकूण ६९ जणांवर गुन्हे दाखल झाले आहेत. तपासाच्या वाढत्या व्याप्तीमुळे हा घोटाळा आणखी मोठा असण्याची शक्यता वर्तवली जात आहे.
Comments are closed.