स्टेट बँक ऑफ इंडिया (SBI) ने बँकिंग क्षेत्रात अधिकारी म्हणून करिअर घडवू इच्छिणाऱ्या उमेदवारांसाठी मोठी संधी उपलब्ध करून दिली आहे. SBI कडून सर्कल बेस्ड ऑफिसर (CBO) भरती 2026 ची अधिकृत अधिसूचना जाहीर करण्यात आली असून, या अंतर्गत देशभरात एकूण 2050 पदांची भरती केली जाणार आहे.
ऑनलाइन अर्ज प्रक्रिया 29 जानेवारी 2026 पासून सुरू झाली असून, इच्छुक उमेदवार 18 फेब्रुवारी 2026 पर्यंत अर्ज करू शकतात.
ही भरती पदवीधर आणि बँकेत अधिकारी स्तराचा अनुभव असलेल्या उमेदवारांसाठी असून, अर्ज फक्त ऑनलाइन पद्धतीनेच स्वीकारले जाणार आहेत.
पदांचा तपशील
अमरावती, बेंगळुरू, भोपाळ, भुवनेश्वर, चंदीगड, चेन्नई, गांधीनगर, गुवाहाटी, हैदराबाद, जयपूर, कोलकाता, लखनऊ, महाराष्ट्र, मुंबई मेट्रो, नवी दिल्ली आणि तिरुवनंतपुरम अशा विविध मंडळांमध्ये पदांची भरती होणार आहे. सर्व आरक्षण प्रवर्गांसाठी पदे उपलब्ध आहेत.
पात्रता
उमेदवाराकडे मान्यताप्राप्त विद्यापीठाची कोणत्याही शाखेतील पदवी असणे आवश्यक आहे. इंजिनिअरिंग, मेडिकल, CA, Cost Accountant यांसारख्या व्यावसायिक पदवीधारकांनाही अर्ज करता येईल. यासोबतच कोणत्याही बँकेत अधिकारी पदावर किमान 2 वर्षांचा अनुभव आवश्यक आहे.
वयोमर्यादा
31 डिसेंबर 2025 रोजी वय 21 ते 30 वर्षे असावे. आरक्षित प्रवर्गांना नियमानुसार सूट दिली जाईल.
वेतन व सुविधा
निवड झालेल्या उमेदवारांना ₹48,480 मूलभूत वेतन (दोन आगाऊ वाढीसह) मिळेल. याशिवाय DA, HRA/लीज सुविधा, PF, NPS, वैद्यकीय सुविधा, LTC आणि इतर बँकिंग लाभ दिले जातील.
निवड प्रक्रिया
लेखी परीक्षा → मुलाखत → स्थानिक भाषा चाचणी → कागदपत्र पडताळणी → वैद्यकीय तपासणी अशा टप्प्यांतून अंतिम निवड केली जाईल.
अर्ज शुल्क
- सामान्य / OBC / EWS: ₹750
- SC / ST / दिव्यांग: शुल्क माफ
अर्ज कसा करावा
उमेदवारांनी sbi.bank.in या अधिकृत संकेतस्थळावर जाऊन CBO Recruitment 2026 अंतर्गत ऑनलाइन नोंदणी करून अर्ज सादर करावा.
Comments are closed.