नवीन वर्षात रेल्वेत सरकारी नोकरीचे स्वप्न पाहणाऱ्या तरुणांसाठी मोठी संधी येत आहे. रेल्वे भरती मंडळ (RRB) लवकरच ग्रुप डी पदांसाठी २०२६ ची भरती अधिसूचना जाहीर करणार आहे.
या भरती प्रक्रियेत सुमारे २२,००० रिक्त पदे भरली जाण्याची शक्यता असून, अर्ज प्रक्रिया २०२६च्या सुरुवातीला सुरू होऊ शकते.
रेल्वेतील लेव्हल-१ अंतर्गत मोठ्या प्रमाणात पदे रिक्त असून, ट्रॅक मेंटेनर, पॉइंट्समन, विविध विभागांतील सहाय्यक अशी पदे यामध्ये समाविष्ट असतील. काही पदांसाठी फक्त दहावी उत्तीर्ण उमेदवार पात्र असतील, तर काही पदांसाठी आयटीआय प्रमाणपत्र आवश्यक राहणार आहे.
अर्जदारांचे वय १८ ते ३६ वर्षे दरम्यान असणे आवश्यक असून, राखीव प्रवर्गांना नियमांनुसार वयोमर्यादेत सवलत दिली जाईल. निवड प्रक्रिया संगणक आधारित परीक्षा (CBT), त्यानंतर कागदपत्र पडताळणी आणि वैद्यकीय तपासणी अशा टप्प्यांत होणार आहे.
निवड झालेल्या उमेदवारांना लेव्हल-१ अंतर्गत ₹१८,००० मूलभूत वेतन मिळेल. अर्जदार फक्त एका RRB साठीच अर्ज करू शकतील. रेल्वेतील स्थिर व सुरक्षित नोकरीची तयारी करणाऱ्यांसाठी ही भरती अत्यंत महत्त्वाची मानली जात आहे.
Comments are closed.