देशातील प्रतिष्ठित बँकांपैकी एक असलेल्या Reserve Bank of India (RBI) ने असिस्टंट पदांच्या भरतीसाठी 2026 ची अधिकृत अधिसूचना जाहीर केली आहे. या भरतीअंतर्गत देशभरातील विविध कार्यालयांमध्ये एकूण ६५० पदे भरली जाणार आहेत. इच्छुक आणि पात्र उमेदवारांना फक्त ऑनलाईन पद्धतीने अर्ज करता येणार असून अर्ज करण्यासाठी अधिकृत संकेतस्थळ Reserve Bank of India चे www.rbi.org.in हे आहे. इतर कोणत्याही माध्यमातून पाठवलेले अर्ज स्वीकारले जाणार नाहीत.
या भरतीसाठी ऑनलाईन अर्ज प्रक्रिया १६ फेब्रुवारी २०२६ पासून सुरू झाली असून ८ मार्च २०२६ ही अर्ज करण्याची अंतिम तारीख आहे. उमेदवारांना अर्जासोबत परीक्षा शुल्क देखील याच कालावधीत ऑनलाईन भरावे लागणार आहे. भरती प्रक्रियेत देशव्यापी स्पर्धा परीक्षा घेतली जाणार असून प्राथमिक परीक्षा ११ एप्रिल २०२६ रोजी तर मुख्य परीक्षा ७ जून २०२६ रोजी होण्याची शक्यता आहे.
ही भरती अहमदाबाद, बेंगळुरू, भोपाळ, चंदीगड, चेन्नई, गुवाहाटी, हैदराबाद, जयपूर, जम्मू, कानपूर-लखनऊ, कोलकाता, मुंबई, नागपूर, नवी दिल्ली, पाटणा आणि तिरुवनंतपुरम अशा अनेक शहरांतील RBI कार्यालयांसाठी होणार आहे.
पात्रता निकषांनुसार, उमेदवार भारताचा नागरिक असावा. तसेच वय किमान २० वर्षे आणि कमाल २८ वर्षे (१ फेब्रुवारी २०२६ रोजी) असणे आवश्यक आहे. म्हणजेच उमेदवाराचा जन्म २ फेब्रुवारी १९९८ ते १ फेब्रुवारी २००६ या कालावधीत झालेला असावा. शैक्षणिक पात्रतेसाठी किमान ५० टक्के गुणांसह कोणत्याही शाखेतील पदवी आवश्यक आहे (SC/ST/PwBD उमेदवारांसाठी पास क्लास मान्य). त्यासोबतच कॉम्प्युटरवर वर्ड प्रोसेसिंगचे ज्ञान आणि संबंधित राज्याच्या स्थानिक भाषेचे ज्ञान (वाचन, लेखन व बोलणे) असणे गरजेचे आहे.
या भरतीसाठी निवड प्रक्रिया तीन टप्प्यांत पार पडणार आहे. यात प्राथमिक परीक्षा, मुख्य परीक्षा आणि भाषा प्रावीण्य चाचणी (Language Proficiency Test) यांचा समावेश आहे. स्थानिक भाषेचे ज्ञान नसलेल्या उमेदवारांना या टप्प्यात अपात्र ठरवले जाईल.
अर्ज करण्यासाठी उमेदवारांनी RBI च्या अधिकृत वेबसाइटवर जाऊन “Recruitment for the Post of Assistant – Panel Year 2025” या लिंकवर क्लिक करावे. त्यानंतर नवीन नोंदणी करून अर्ज फॉर्म भरावा, आवश्यक कागदपत्रे व फोटो अपलोड करावेत, परीक्षा शुल्क भरावे आणि अर्ज सबमिट करून त्याची प्रिंट काढून ठेवावी.
उमेदवारांनी अॅडमिट कार्ड, परीक्षा वेळापत्रक आणि पुढील प्रक्रियेच्या अपडेटसाठी वेळोवेळी Reserve Bank of India च्या अधिकृत संकेतस्थळाला भेट देण्याचा सल्ला देण्यात आला आहे.
Comments are closed.