महाराष्ट्र सरकारची मुख्यमंत्री लाडकी बहीण योजना जुलै २०२४ पासून सुरू झाली असून, कोट्यवधी महिलांना दरमहा ₹१५०० मिळत आहेत. रक्षाबंधनाच्या पूर्वसंध्येला सरकारनं आनंदाची बातमी दिली आहे – जुलैचा हप्ता थेट खात्यात जमा होण्यास सुरुवात झाली आहे.
ज्यांना जूनचा हप्ता मिळाला नव्हता, त्यांना आता ₹३००० मिळण्याची शक्यता आहे. मात्र खातं आधार कार्डशी लिंक असणं अनिवार्य आहे, कारण रक्कम DBT (Direct Benefit Transfer) द्वारे येते.
ही योजना २१ ते ६५ वयोगटातील, महाराष्ट्रात राहणाऱ्या आणि २.५ लाखांपेक्षा कमी उत्पन्न असलेल्या महिलांसाठी आहे. विवाहित, विधवा, घटस्फोटीत व अविवाहित महिलाही पात्र आहेत. सरकारी कर्मचारी आणि आयकरदाता महिलांना मात्र लाभ मिळणार नाही.
जर अजून अर्ज केला नसेल, तर नारी शक्ती दूत अॅप किंवा आपले सरकार सेवा केंद्रात जाऊन अर्ज करा. बोगस अर्ज करणाऱ्यांवर कडक कारवाई होणार असून, चुकीची माहिती दिल्यास रक्कम परत मागवली जाऊ शकते.
आजवर २.४ कोटींपेक्षा जास्त महिलांना या योजनेचा लाभ मिळाला असून, १२ हप्त्यांत ₹१८,००० रक्कम वितरित झाली आहे. रक्षाबंधनाच्या आधीचा हप्ता म्हणजे सरकारकडून बहिणींना मिळालेलं खास आर्थिक गिफ्टच म्हणावं लागेल!
Comments are closed.