उत्तर Mozambique मधील तरुणांसाठी व्यावसायिक प्रशिक्षण व सशुल्क इंटर्नशिप कार्यक्रमाची सुरुवात करण्यात आली आहे. हा उपक्रम MozYouth फाउंडेशनकडून पुढील १५ महिन्यांत राबवला जाणार असून, याचा थेट लाभ १८ ते ३५ वयोगटातील १,००० तरुणांना मिळणार आहे.
हा प्रकल्प मोझांबिक सरकारचा असून, World Bank च्या आर्थिक सहाय्याने Conecta Negócios अंतर्गत वित्तपुरवठा करण्यात आला आहे. तर Agência de Desenvolvimento Integrado do Norte (ADIN) कडून तांत्रिक सहकार्य दिले जाणार आहे.
बहुसंख्य लाभार्थी काबो डेलगाडो प्रांतातील असतील, तर नांपुला आणि नियासा येथेही संधी उपलब्ध करून देण्यात येणार आहेत. विशेष म्हणजे, किमान ६० टक्के जागा महिलांसाठी राखीव ठेवण्यात आल्या आहेत. प्रशिक्षणानंतर खासगी कंपन्यांमध्ये प्रत्यक्ष कामाचा अनुभव देऊन तरुणांची रोजगारक्षमता वाढवणे, हा या कार्यक्रमाचा मुख्य उद्देश आहे.
या उपक्रमामुळे तरुणांना पहिल्या नोकरीतील अडथळे दूर होतीलच, शिवाय स्थानिक उद्योगांना प्रशिक्षित मनुष्यबळ मिळून उत्तर मोझांबिकमधील आर्थिक स्थैर्य व समावेशक विकासाला चालना मिळेल.
Comments are closed.