राज्यातील एकही विद्यार्थी शिक्षणापासून वंचित राहू नये, ही राज्य सरकारची ठाम भूमिका असल्याचे Devendra Fadnavis यांनी स्पष्ट केले. अनुभवी स्वयंसेवी संस्था Educate Girls यांच्या सहकार्यामुळे राज्यातील मुक्त शाळा प्रणाली अधिक सक्षम होईल, असे त्यांनी सांगितले.
तसेच शिक्षण अर्धवट राहिलेल्या विद्यार्थ्यांना, विशेषतः मुलींना पुन्हा शिक्षणाच्या मुख्य प्रवाहात येण्याची संधी मिळेल, असा विश्वासही त्यांनी व्यक्त केला.
राज्यातील मुक्त शिक्षण व्यवस्था मजबूत करण्यासाठी आणि औपचारिक शिक्षणातून बाहेर पडलेल्या विद्यार्थ्यांना लवचीक शिक्षणाच्या संधी उपलब्ध करून देण्यासाठी शालेय शिक्षण विभागाने ‘एज्युकेट गर्ल्स’ संस्थेसोबत सामंजस्य करार केला आहे. हा उपक्रम मुख्यमंत्र्यांच्या मार्गदर्शनाखाली तसेच शालेय शिक्षणमंत्री Dada Bhuse यांच्या पुढाकाराने राबवण्यात आला आहे.
शासनाकडून पूर्वप्राथमिक ते माध्यमिक शिक्षणापर्यंत विद्यार्थी टिकून राहावेत यासाठी विविध उपाययोजना केल्या जात आहेत. तसेच कोणत्याही कारणामुळे शाळाबाह्य झालेल्या विद्यार्थ्यांना पुन्हा शिक्षणात सहभागी करण्यावर विशेष भर दिला जात आहे. या करारामुळे शिक्षणापासून दूर राहिलेल्या मुली आणि महिलांना विशेष लाभ मिळण्याची अपेक्षा व्यक्त केली जात आहे.
मुलींच्या शिक्षणासाठी प्रभावी कार्य करणारी Educate Girls ही संस्था आशियातील प्रतिष्ठेचा मानला जाणारा Ramon Magsaysay Award मिळवलेली असून शिक्षण क्षेत्रात महत्त्वपूर्ण काम करत आहे.
Comments are closed.