बारामतीपासून पुणे शहरापर्यंतच्या अनेक ज्युनियर कॉलेजेसना मोठा दिलासा मिळणार आहे. ‘ओपन टू ऑल’ या प्रवेशफेरीमुळे अकरावीच्या भरपूर रिकाम्या जागा भरल्या जातील, अशी पुण्यातील शिक्षण क्षेत्रातील मंडळींची ठाम अपेक्षा आहे.
या फेरीसाठीचे जागावाटप आज, बुधवार दिनांक ६ ऑगस्ट रोजी जाहीर होणार आहे.
राज्यभर राबवल्या जाणाऱ्या केंद्रीय अकरावी प्रवेशप्रक्रियेच्या आधीच्या चार फेऱ्यांमध्ये आरक्षणांनुसार प्रवेश झाले. यात जाती, दिव्यांग व मुलींसाठी आरक्षित कोट्यांचा समावेश होता. पण, तरीही बऱ्याच कॉलेजांत जागा रिकाम्याच राहिल्या!
आता मात्र या नव्या ‘ओपन टू ऑल’ फेरीत सर्व आरक्षण रद्द करण्यात आलं आहे. म्हणजेच, सगळ्या विद्यार्थ्यांना समान संधी मिळणार आहे – कुठलंही आरक्षण न घेता!
ज्यांना नव्याने अर्ज करायचाय, किंवा प्राधान्यक्रम दुरुस्त करायचाय, त्यांना ४ आणि ५ ऑगस्ट रोजी संधी दिली गेली होती.
कॉलेजांच्या अडचणी – विशेषतः आर्ट्स आणि कॉमर्स शाखांमध्ये दरवर्षीप्रमाणे यंदाही मोठ्या प्रमाणावर जागा रिकाम्या राहण्याची शक्यता आहे. आयटीआय आणि पॉलिटेक्निकमुळे सायन्सकडेदेखील ओढ कमी झाली आहे.
Comments are closed.