राज्य सामाईक प्रवेश परीक्षा कक्षाने (CET Cell) शैक्षणिक वर्ष २०२६-२७ साठी नर्सिंग व संबंधित अभ्यासक्रमांच्या प्रवेश प्रक्रियेत महत्त्वाचा निर्णय घेतला आहे. बीएस्सी नर्सिंग, जनरल नर्सिंग अँड मिडवायफरी (GNM), तसेच डिप्लोमा इन सायकॅट्रिक नर्सिंग (DPN) आणि पब्लिक हेल्थ नर्सिंग (PHN) या अभ्यासक्रमांच्या CET नोंदणीसाठीची अंतिम तारीख ४ एप्रिल २०२६ पर्यंत वाढवण्यात आली आहे. यामुळे अर्ज करण्याची संधी गमावलेल्या विद्यार्थ्यांना मोठा दिलासा मिळाला आहे.
यंदा बी.एस्सी नर्सिंग अभ्यासक्रमासाठी आतापर्यंत तब्बल ४६,४५० विद्यार्थ्यांनी नोंदणी केली आहे. या अभ्यासक्रमाची प्रवेश परीक्षा ६ आणि ७ मे २०२६ रोजी होणार आहे. मात्र DPN आणि PHN अभ्यासक्रमांना अपेक्षेपेक्षा कमी प्रतिसाद मिळाल्याने CET सेलने ही मुदतवाढ देण्याचा निर्णय घेतला आहे. या अभ्यासक्रमांची परीक्षा ५ मे २०२६ रोजी आयोजित केली जाणार आहे.
विद्यार्थ्यांसाठी ऑनलाईन अर्ज, नोंदणी वेळापत्रक आणि माहिती पुस्तिका State Common Entrance Test Cell Maharashtra च्या अधिकृत संकेतस्थळ www.mahacet.org
वर उपलब्ध करून देण्यात आली आहे. या सर्व परीक्षा महाराष्ट्रातील विविध केंद्रांवर संगणकाधारित (CBT) पद्धतीने घेतल्या जाणार आहेत.
यासोबतच CET सेलने एक महत्त्वाची अट स्पष्ट केली आहे की, अर्ज करण्यासाठी APAAR ID अनिवार्य आहे. ज्या उमेदवारांकडे APAAR ID नाही, त्यांनी तो DigiLocker द्वारे तयार करणे आवश्यक आहे. APAAR ID शिवाय MH CET नोंदणी पूर्ण होऊ शकत नाही.
एकूणच, नर्सिंग आणि संबंधित अभ्यासक्रमांसाठी इच्छुक विद्यार्थ्यांनी या मुदतवाढीचा लाभ घेऊन लवकरात लवकर अर्ज पूर्ण करावा, असे आवाहन करण्यात आले आहे.
Comments are closed.