NITI Aayog हा भारत सरकारचा सर्वोच्च सार्वजनिक धोरण विचारमंच असून देशाच्या आर्थिक व सामाजिक विकासासाठी धोरणात्मक दिशा देण्याचे महत्त्वाचे काम करतो.
सहकारी संघराज्यवादाला प्रोत्साहन देणे आणि नव्या कल्पनांद्वारे प्रशासन अधिक प्रभावी बनवणे हा आयोगाचा मुख्य हेतू आहे.
नीती आयोग इंटर्नशिप योजनेअंतर्गत भारत व परदेशातील मान्यताप्राप्त विद्यापीठांमधील पदवी, पदव्युत्तर तसेच संशोधन करणाऱ्या विद्यार्थ्यांना थेट सरकारी धोरण प्रक्रियेत सहभागी होण्याची संधी मिळते. निवड झालेल्या इंटर्नना आयोगाच्या विविध विभागांमध्ये प्रत्यक्ष काम करण्याचा अनुभव दिला जातो.
या इंटर्नशिपचा उद्देश तरुण शैक्षणिक गुणवत्तेला धोरणनिर्मितीशी जोडणे हा आहे. इंटर्नना सरकारी कामकाज, विकासात्मक धोरणे, डेटा विश्लेषण, अहवाल लेखन व धोरणात्मक कागदपत्रे तयार करण्याचा प्रत्यक्ष अनुभव मिळतो, ज्यामुळे करिअरसाठी मोठा फायदा होतो.
ही इंटर्नशिप ऑन-साईट (नवी दिल्ली) येथे असून कालावधी किमान 6 आठवडे ते कमाल 6 महिने आहे. पात्र विद्यार्थ्यांनी ऑनलाईन अर्ज करावा लागेल. अर्ज करण्याची अंतिम तारीख 10 मार्च 2026 आहे.
Comments are closed.