राष्ट्रीय आरोग्य अभियान, मुंबईने समुदाय आरोग्य अधिकारी (CHO) पदांसाठी १९७४ रिक्त जागा भरतीसाठी जाहीर केल्या आहेत. अर्ज करण्याची शेवटची तारीख ४ डिसेंबर २०२५ आहे. ही भरती फक्त महाराष्ट्रातील रहिवासी उमेदवारांसाठी असून, पात्रता निकष, परीक्षा तपशील, आरक्षण धोरण आणि अर्ज प्रक्रिया अधिकृत संकेतस्थळावर उपलब्ध आहेत.
उमेदवारांना अर्ज केवळ ऑनलाइन NHM महाराष्ट्रच्या अधिकृत वेबसाइटवर करावा लागेल. इतर कोणतेही माध्यम स्वीकारले जाणार नाहीत. अर्ज प्रक्रियेत आवश्यक माहिती अचूक आणि इंग्रजीमध्ये भरावी. चुकीची माहिती किंवा विसंगती आढळल्यास उमेदवारी रद्द केली जाईल.
परीक्षा व निवड प्रक्रिया
भरती प्रक्रियेत १०० गुणांची परीक्षा घेतली जाईल. परीक्षा बहुपर्यायी (MCQ) स्वरूपात असून, प्रत्येक प्रश्नाला १ गुण असेल आणि नकारात्मक गुणदान नाही. उत्तीर्ण होण्यासाठी किमान ४५ गुण मिळणे आवश्यक आहे. अभ्यासक्रमामध्ये सार्वजनिक आरोग्य, बाल आणि किशोर आरोग्य, माता आरोग्य, कुटुंब नियोजन, संसर्गजन्य व असंसर्गजन्य रोग, पोषण, मानसिक आरोग्य, कौशल्य-आधारित प्रश्न, आपत्कालीन सेवा, ENT, सामान्य ज्ञान आणि NHM कार्यक्रम समाविष्ट आहेत. प्रश्नपत्रिका मराठी आणि इंग्रजी मध्ये द्विभाषिक स्वरूपात असेल.
वयोमर्यादा
खुल्या प्रवर्गातील उमेदवारांसाठी ३८ वर्षे, राखीव प्रवर्गासाठी ४३ वर्षे. काही विशिष्ट वर्गांसाठी (दिव्यांग, प्रकल्प-प्रभावित, भूकंप-प्रभावित, अर्धवेळ कर्मचारी, माजी सैनिक) वयाची सवलत दिली जाऊ शकते. वयोमर्यादा अर्ज अंतिम मुदतीनुसार मोजली जाईल.
वेतन व प्रशिक्षण
सहाव्या महिन्यांच्या प्रशिक्षणादरम्यान दरमहा ₹१०,००० विद्यावेतन मिळेल. प्रशिक्षण पूर्ण करून अंतिम परीक्षा उत्तीर्ण झाल्यानंतर करारावर आधारित नियुक्ती होईल. नियुक्ती नंतर मासिक वेतन ₹२५,०००, कामगिरीवर आधारित ₹१५,००० प्रोत्साहन भत्ता, तसेच दुर्गम/आदिवासी भागात अतिरिक्त ₹१५,००० प्रोत्साहन भत्ता मिळेल.
प्रशिक्षणाची माहिती
निवडलेले उमेदवार निश्चित प्रशिक्षण केंद्रांवर सहा महिन्यांचे प्रमाणपत्र प्रशिक्षण पूर्ण करतील. यशस्वी प्रशिक्षण आणि अंतिम परीक्षा उत्तीर्ण झाल्यानंतर ११ महिने २९ दिवसांच्या करारावर नियुक्ती केली जाईल, जी प्रकल्पाच्या कामगिरीनुसार वाढवता येईल. ब्रिज कोर्स आधी पूर्ण केलेले आणि दोनदा अनुत्तीर्ण झालेल्या उमेदवारांना पात्रता मिळणार नाही, तर पूर्वी CHO म्हणून काम केलेल्यांना काही अटींवर पुन्हा नियुक्तीची संधी मिळू शकते.
अर्जाची अधिक माहिती आणि फॉर्मसाठी भेट द्या: NHM CHO Recruitment 2025
Comments are closed.