इंटर्नशिपच्या शोधात असलेल्या तरुणांसाठी एक उत्तम संधी उपलब्ध झाली आहे. नॅशनल हायवे अथॉरिटी ऑफ इंडिया (NHAI) कडून Summer Internship 2026 साठी अर्ज मागवण्यात आले आहेत. या इंटर्नशिपमुळे विद्यार्थ्यांना प्रत्यक्ष हायवे प्रोजेक्ट्सवर काम करण्याचा अनुभव मिळणार आहे.
ही संधी केवळ सिव्हिल इंजिनिअरिंग विद्यार्थ्यांसाठीच नाही, तर कॉम्प्युटर सायन्स, आयटी, इलेक्ट्रॉनिक्स, डेटा सायन्स, फायनान्स, लॉ, मॅनेजमेंट, कॉमर्स आणि मास कम्युनिकेशन या शाखांतील विद्यार्थ्यांसाठीही खुली आहे. त्यामुळे विविध क्षेत्रातील विद्यार्थ्यांना इंडस्ट्रीचा प्रत्यक्ष अनुभव घेता येणार आहे.
या इंटर्नशिपचा कालावधी दोन महिन्यांचा असून, निवड झालेल्या उमेदवारांना NHAI च्या फील्ड ऑफिसेस आणि मुख्यालयात काम करण्याची संधी मिळेल. सिव्हिल इंजिनिअरिंग विद्यार्थ्यांना हायवे डिझाईन, ट्रॅफिक प्लॅनिंग आणि कन्स्ट्रक्शन मॉनिटरिंग यासारख्या कामांमध्ये सहभाग घेता येईल, तर इतर शाखांतील विद्यार्थी डेटा अॅनालिसिस, आयटी सिस्टिम्स आणि टोल ऑपरेशन्ससारख्या कामांमध्ये योगदान देतील.
या इंटर्नशिपचे विशेष आकर्षण म्हणजे विद्यार्थ्यांना दरमहा जास्तीत जास्त ₹20,000 पर्यंत स्टायपेंड मिळणार आहे. त्यामुळे शिकताना कमाई करण्याचीही संधी मिळते.
इच्छुक विद्यार्थ्यांनी अधिकृत वेबसाइटवर जाऊन ऑनलाइन अर्ज करावा. नोंदणी करून आवश्यक कागदपत्रे अपलोड करावी आणि फॉर्म भरून सबमिट करावा. अर्ज करण्याची शेवटची तारीख 15 एप्रिल आहे, त्यामुळे वेळ न घालवता लवकर अर्ज करणे योग्य ठरेल.
Comments are closed.