शाळा-महाविद्यालयात ये-जा करताना एसटी उशिरा येणे, अचानक रद्द होणे किंवा थांब्यावर न थांबणे—अशा त्रासाला आता उपाय मिळणार आहे. राज्य परिवहन विभागाने विद्यार्थ्यांसाठी नवीन एसटी हेल्पलाइन (1800 221 251) सुरू केली असून, तातडीची मदत मिळावी यासाठी परिवहन मंत्री प्रताप सरनाईक यांनी विद्यार्थ्यांना या सेवाचा वापर करण्याचे आवाहन केले आहे.
धाराशिव बसस्थानकाच्या भेटीत विद्यार्थ्यांनी बस सेवेत होणाऱ्या विलंब, गर्दी आणि अचानक रद्द होणाऱ्या फेऱ्यांविषयी तक्रारी केल्या. या समस्यांमुळे परीक्षा, लेक्चर आणि अभ्यासाचे होणारे नुकसान पाहता मंत्री सरनाईक यांनी तत्काळ ही हेल्पलाइन सुरू केली.
शाळकऱ्यांना प्रवासात कुठलीही अडचण—बस बिघाड, उशीर, अचानक रद्द होणे—भेटल्यास हा क्रमांक डायल केल्यावर तातडीने मदत मिळणार आहे. त्याचबरोबर जिल्ह्यांतील सर्व विभाग नियंत्रकांचे नवे संपर्क क्रमांकही शाळांना दिले जाणार आहेत.
बस सेवेमुळे विद्यार्थ्यांचे नुकसान झाल्यास संबंधित आगार व्यवस्थापक आणि पर्यवेक्षक यांनाच जबाबदार धरले जाईल. परीक्षेला उशीर होऊन नुकसान झाल्यास, लेखी तक्रारीच्या आधारे जबाबदार अधिकाऱ्यांना निलंबन किंवा सक्तीची रजा लागू शकते, असा इशारा परिवहन मंत्र्यांनी दिला आहे.
Comments are closed.