जर तुम्ही नमो शेतकरी सन्मान निधी योजनेचे लाभार्थी असाल, तर तुमच्यासाठी एक दमदार खुशखबर आहे. आतापर्यंत शेतकऱ्यांना या योजनेतून वर्षाला एकूण ६,००० रुपये मदत मिळत होती. पण सरकारने नुकतंच घोषणा केली आहे की ही रक्कम वाढणार आहे.
लवकरच शेतकऱ्यांना वार्षिक ९,००० रुपये मिळण्याची शक्यता आहे. ही योजना केंद्र सरकारच्या प्रधानमंत्री किसान सन्मान निधीच्या आधारावर राबवली जाते, ज्यामुळे शेतकऱ्यांना शेतीसाठी आर्थिक आधार मिळेल.
नमो शेतकरी महासन्मान निधी योजना खरीप हंगाम २०२५ सुरू होण्यापूर्वी शेतकऱ्यांच्या खात्यात हप्ता जमा होईल, असे मुख्यमंत्री देवेंद्र फडणवीस यांनी सांगितले होते. मात्र अद्याप ही प्रक्रिया पूर्ण झालेली नाही. अंदाजे ३,००० कोटी रुपये उपलब्ध करून देण्याची तयारी अपूर्ण आहे, ज्यामुळे शेतकऱ्यांना रक्कम वेळेत मिळालेली नाही. नैसर्गिक अडचणींनी त्रस्त शेतकऱ्यांसाठी आर्थिक मदतीतील उशीर खूप मोठा झटका ठरतो आहे. वेळेत निधी न मिळाल्यामुळे खरीप हंगामातील नियोजनावरही परिणाम होत आहे.
योजनेसाठी ॲग्रीस्टॉक कार्ड बंधनकारक ठरवले गेले आहे. पण अद्याप अधिकृत निर्देश जारी झालेले नाहीत, ज्यामुळे शेतकऱ्यांमध्ये संभ्रम आहे. काहींना वाटते की फक्त ॲग्रीस्टॉक कार्ड असलेल्या शेतकऱ्यांनाच लाभ मिळेल, तर काहींना भीती आहे की कार्ड नसल्यास मदत मिळणार नाही. शासनाने याबाबत लवकरात लवकर स्पष्टता द्यावी, अशी मागणी शेतकऱ्यांकडून होत आहे.
सातव्या हप्त्याची रक्कम लवकरच खात्यात जमा होणार आहे. राज्यातील जवळपास ९३ लाख शेतकरी या हप्त्यासाठी पात्र आहेत. खरीप हंगाम सुरू असल्यामुळे बियाणे, खते व इतर शेतीसाहित्य खरेदीसाठी ही मदत खूप महत्वाची ठरणार आहे.
शेतकऱ्यांना कृषी विभागाकडून आवाहन करण्यात आले आहे की त्यांनी तातडीने आपले ॲग्रीस्टॉक कार्ड तयार करावे. भविष्यात या कार्डाशिवाय शासकीय योजनेतील आर्थिक मदतीस अडथळा येऊ शकतो. अनेक शेतकरी आता उत्सुक आहेत की खरंच त्यांना ९,००० रुपये लाभ मिळणार की नाही. काहींनी आपले कार्ड केलेले आहे, तर इतर अजून प्रक्रियेत आहेत.
Comments are closed.