मुंबई विभागातील फार्मसी महाविद्यालयांमध्ये सुविधांचा गंभीर अभाव आढळला आहे. तंत्रशिक्षण संचालनालयाने ऑगस्टमध्ये १७६ महाविद्यालयांना नोटीस दिल्या आहेत, त्यात ठाण्यातील सर्वाधिक १५ महाविद्यालयांचा समावेश आहे.
पीसीआयच्या निकषांचे पालन न झाल्यामुळे छत्रपती संभाजीनगरमध्ये ६० महाविद्यालयांवर कारवाई करण्यात आली आहे.
पदवी अभ्यासक्रमाच्या ९२ महाविद्यालयांपैकी ४८ आणि पदविका अभ्यासक्रमाच्या २२८ महाविद्यालयांपैकी १२८ मध्ये आवश्यक सुविधा अपूर्ण आढळल्या. प्रमुख त्रुटींमध्ये कमी कर्मचारी संख्या, भोगवटा आणि अग्निसुरक्षा प्रमाणपत्रांचा अभाव यांचा समावेश आहे.
मुंबई विभागात २७ महाविद्यालये निकषांमध्ये अपयशी आढळली आहेत – पदवी अभ्यासक्रमाच्या १४ आणि पदविका अभ्यासक्रमाच्या १३ महाविद्यालयांचा समावेश. ठाणे जिल्ह्यातील १५ महाविद्यालये सर्वाधिक प्रभावित आहेत, तर पालघरमध्ये ५, रायगड व रत्नागिरीमध्ये प्रत्येकी ३ आणि सिंधुदूर्गात एका महाविद्यालयात सुविधा अभाव असल्याचे स्पष्ट झाले आहे.
ही कारवाई महाविद्यालयांमध्ये दर्जा सुधारणेसाठी आणि विद्यार्थ्यांना आवश्यक शैक्षणिक सुविधा सुनिश्चित करण्यासाठी करण्यात आली आहे.
Comments are closed.