महाराष्ट्र शासनाच्या कौशल्य, रोजगार, उद्योजकता व नाविन्यता विभागांतर्गत विविध आस्थापनांमध्ये गट-ब संवर्गातील नोकऱ्या भरतीसाठी राज्य लोकसेवा आयोगाच्या माध्यमातून एक सुवर्णसंधी उपलब्ध झाली आहे. या भरतीत मुख्याध्यापक, शासकीय तंत्र माध्यमिक शाळा किवा केंद्र (तांत्रिक), प्राचार्य/उपप्राचार्य शासकीय औद्योगिक प्रशिक्षण संस्था, तसेच सहायक प्रशिक्षणार्थी सल्लागार या पदांसाठी एकूण १३२ रिक्त पदांची भरती केली जाणार आहे.
या पदांमध्ये आरक्षित जागा देखील आहेत. महिलांसाठी ४० पदे, खेळाडूंसाठी ६, अनाथांसाठी १, तसेच अपंग उमेदवारांसाठी ५ पदे राखीव ठेवण्यात आली आहेत. एकंदरीत विविध विभाग व कोट्यांमध्ये पदांची विभागणी अशी आहे: अजा-१७, अज८, विजा-अ-५, भज-ब-३, भज-क-५, भज-ड-३, इमाव-२४, विमाप्र-३, सारौमाव-१३, आदुघ-१३, खुला-३८.
पात्रता अटीनुसार, उमेदवाराने १५ ऑक्टोबर २०२५ रोजी इंजिनीअरिंग किवा टेक्नॉलॉजीमध्ये किमान दुसऱ्या वर्गासह डिप्लोमा उत्तीर्ण केलेले असणे आवश्यक आहे. यासोबतच उमेदवाराकडे प्रोफेशनल, शिक्षण किंवा प्रशासकीय कामाचा किमान २ वर्षांचा अनुभव असणे अनिवार्य आहे. अनुभवाचे स्वरूप अर्जात स्पष्टपणे नमूद करणे आवश्यक आहे.
वेतन संरचनेनुसार या पदांवरील वेतन स्तर एस-१७ आहे, ज्यामध्ये रु. ४७,६०० ते १,५१,१) दरमहा असून, अधिक नियमानुसार भत्ते लागू होतील. अंदाजे मासिक वेतन रु. ९०,०००/- इतके असण्याची शक्यता आहे, जी पात्र उमेदवारांसाठी आकर्षक संधी ठरेल.
निवड प्रक्रियेत, सर्व अर्ज केलेल्या उमेदवारांची मुलाखत घेणे शक्य नसल्यास पात्रता व अनुभवाच्या आधारे उमेदवारांची शॉर्टलिस्टिंग केली जाईल. तसेच, काही पदांसाठी चाळणी परीक्षा घेण्याची शक्यता असून, चाळणी परीक्षा घेतल्यास त्याचे गुण मुलाखतीच्या गुणांसोबत एकत्र करून अंतिम शिफारस केली जाईल. चाळणी परीक्षा न घेतल्यास केवळ मुलाखतीच्या गुणांच्या आधारे उमेदवारांची शिफारस केली जाईल.
मुलाखतीमध्ये किमान ४१ टक्के गुण मिळवणे आवश्यक आहे. चाळणी परीक्षा किंवा मुलाखतीसाठी अभ्यासक्रम, परीक्षेचे माध्यम आणि इतर तपशील राज्य लोकसेवा आयोगाच्या संकेतस्थळावर प्रसिद्ध केले जातील.
अर्जासाठी ऑनलाइन पद्धत उपलब्ध आहे. उमेदवारांनी https://mpsc.gov.in या संकेतस्थळावरील जाहिरातीत दिलेल्या सूचनांनुसार अर्ज भरावा. अर्जाची अंतिम तारीख १५ ऑक्टोबर २०२५ (२३.५९ वाजे) आहे. परीक्षा शुल्क खुल्या वर्गासाठी रु. ७१९/- इतके आहे, जे ऑनलाइन भरणे आवश्यक आहे.
उमेदवारांनी अर्जाची प्रक्रिया https://mpsconline.gov.in या संकेतस्थळावर पूर्ण करावी. वेळेत अर्ज न केल्यास अर्ज अमान्य ठरेल, त्यामुळे अर्जदारांनी लवकर अर्ज करण्याची दक्षता घेणे आवश्यक आहे. ही भरती महाराष्ट्रातील तांत्रिक व शैक्षणिक क्षेत्रात करिअर सुरू करण्याची उत्तम संधी ठरेल.
Comments are closed.