मराठवाडा – एलएलबी (३ वर्षे) अभ्यासक्रमासाठी यंदा जबरदस्त गर्दी !

LLB Rush Soars!

मराठवाडा – एलएलबी (३ वर्षे) अभ्यासक्रमासाठी यंदा जबरदस्त गर्दी पाहायला मिळतेय. राज्यभर २१ हजार जागा उपलब्ध असताना तब्बल ५१ हजारांहून अधिक विद्यार्थ्यांनी अर्ज भरलेत. म्हणजेच जागांच्या जवळपास तीनपट नोंदणी झालीये!

LLB Rush Soars!हे चित्र पाहता अनेक विद्यार्थ्यांना प्रवेशासाठी रिकामी हाती परतावं लागणार, असं मानलं जातंय. तसंच गेल्यावर्षीच्या तुलनेत यंदा महाविद्यालयांचा कट-ऑफ चढा जाणार हे नक्की.

गेल्या काही वर्षांपासून कायद्याच्या अभ्यासक्रमाकडे वळणाऱ्या विद्यार्थ्यांची संख्या झपाट्यानं वाढतेय. नोकरी किंवा व्यवसाय सांभाळून शिक्षण घेणाऱ्यांचं प्रमाणही वाढतंय, त्यामुळे एलएलबी कोर्सला विशेष मागणी आहे.

सीईटी सेलमार्फत ही प्रवेश प्रक्रिया राबवली जाते. यंदाच्या फेरीसाठी ५७ हजारांहून अधिक विद्यार्थ्यांनी नोंदणी केली होती, त्यापैकी ५१ हजारांनी अर्ज पूर्ण केलेत. गेल्या वर्षी २१ हजार जागांवरच २० हजारांहून अधिक विद्यार्थ्यांनी प्रवेश घेतला होता. त्यामुळे यंदा स्पर्धा अधिक तीव्र होणार, हे स्पष्ट आहे

Comments are closed.