सीईटी कक्षाने बीबीए, बीसीए आणि इतर पदवी अभ्यासक्रमांच्या प्रवेशासाठी अर्ज केलेल्या विद्यार्थ्यांना दुरुस्तीची अंतिम संधी दिली आहे. अर्जामध्ये झालेल्या चुका सुधारण्यासाठी ही ऑनलाइन सुविधा १ एप्रिलपर्यंतच उपलब्ध असणार आहे. त्यानंतर कोणतेही बदल करता येणार नाहीत.
२०२६-२७ शैक्षणिक वर्षासाठी बीबीए, बीसीए, बीबीएम, बीएमएस आणि बीएचएमसीटी या अभ्यासक्रमांसाठीची नोंदणी प्रक्रिया २५ मार्च रोजी पूर्ण झाली असून, यंदा सुमारे ७१ हजारांहून अधिक विद्यार्थ्यांनी अर्ज केला आहे. हे सर्व विद्यार्थी सीईटी परीक्षेला बसणार आहेत.
नोंदणी करताना काही विद्यार्थ्यांकडून नाव, जन्मतारीख, फोटो, सही किंवा लिंग यामध्ये चुका झाल्या असण्याची शक्यता लक्षात घेऊन ही सुविधा देण्यात आली आहे. विद्यार्थ्यांनी आपल्या लॉगिनद्वारेच आवश्यक बदल करून अर्ज अचूक करावा, असे आवाहन करण्यात आले आहे.
दरम्यान, या अभ्यासक्रमांची सीईटी परीक्षा २८ ते ३० एप्रिलदरम्यान राज्यभरातील केंद्रांवर ऑनलाइन पद्धतीने घेतली जाणार आहे. त्यामुळे परीक्षेपूर्वी अर्जातील सर्व माहिती योग्य असल्याची खात्री करून घेणे विद्यार्थ्यांसाठी अत्यंत गरजेचे आहे.
Comments are closed.