“मुख्यमंत्री माझी लाडकी बहीण” योजनेस आता नवे नियम लागु झाल्यात. आता एका कुटुंबात फक्त दोनच बहिणींना योजनेचा लाभ मिळणार. काहींनी वेगवेगळं रेशनकार्ड दाखवून, किंवा वयात नसतानाही अर्ज केले, पण सरकारनं सगळी कागदपत्रं तपासून ‘एफएससी मल्टिपल इन फॅमिली’ असा शेरा मारून त्यांचा लाभ थांबवलाय.
ऑगस्टपासून तर उत्पन्नाची सुद्धा चाचणी होणार – ज्या घरचं वार्षिक उत्पन्न अडीच लाखांपेक्षा जास्त असेल, त्या महिलांना योजना मिळणार नाही. सध्या सुमारे दहा लाख महिलांनी तक्रार दाखल केलेत की त्यांचा लाभ अचानक थांबवला गेलाय.
योजनेच्या अटी अशा:
वय १८ ते ६५ दरम्यान
वार्षिक उत्पन्न ₹2.5 लाखांखाली
कुटुंबात फक्त २ लाभार्थी
चारचाकी वाहन नसावं
इतर कोणत्याही वैयक्तिक योजनेचा लाभ नको
पण अनेकांनी फसवणूक करून आधारमधली जन्मतारीख बदलली, वाहनाची माहिती लपवली आणि वेगळं रेशनकार्ड दाखवलं. आता सगळी माहिती प्राप्तिकर विभागाकडून बालविकास खात्याला दिली जात आहे, त्यानंतर लाभ बंद होणार.
तक्रारीसाठी पर्याय:
वेबसाईटवर ‘Grievance’ विभागात लॉगिन करून तक्रार करता येईल
तालुका बालविकास प्रकल्प कार्यालयात ऑफलाइन अर्जही देता येतो
आतापर्यंत १० लाखांपेक्षा जास्त तक्रारी झाल्यात
लाभ बंद होण्याची प्रमुख कारणं:
वय ६५ पूर्ण
कुटुंबात २ पेक्षा जास्त अर्जदार
चारचाकी वाहन
इतर योजनेचा लाभ
खोटी जन्मतारीख दाखवून अर्ज
अशांसाठी पर्यायी योजना:
ज्यांचा लाडकी बहीण योजनेचा लाभ बंद झालाय, त्या महिला आता संजय गांधी निराधार योजना, इतर सामाजिक योजना यासाठी अर्ज करू शकतात.
Comments are closed.