‘लाडकी बहिण योजना’ अंतर्गत लाभ घेणाऱ्या महिलांना प्रत्येक महिन्याला १५०० रुपयांचा थेट आर्थिक आधार दिला जातो. जुलै महिन्याचा हप्ता महिलांच्या खात्यात रक्षाबंधनाच्या दिवशी जमा करण्यात आला होता. आता महिलांच्या नजरा ऑगस्टच्या हप्त्याकडे लागल्या आहेत.
ऑगस्टचा हप्ता कधी मिळणार?
अधिकृत तारीख अद्याप जाहीर झाली नसली तरी, दर महिन्याप्रमाणेच या वेळीही ऑगस्ट महिन्याचा हप्ता शेवटच्या दोन आठवड्यांत मिळण्याची शक्यता आहे. विशेष म्हणजे १५०० रुपये थेट खात्यात जमा केले जातील.
सणासुदीचा मुहूर्त साधला जाऊ शकतो
लाडकी बहिणींचे पैसे अनेकदा सण-उत्सवांच्या पार्श्वभूमीवर दिले जातात. मागील महिन्यात रक्षाबंधनाच्या दिवशी हप्ता मिळाला होता, त्यामुळे यावेळी गणेशोत्सवाच्या निमित्तानेदेखील महिलांच्या खात्यात १५०० रुपये जमा होण्याची शक्यता आहे.
अधिकृत घोषणेची प्रतीक्षा
राज्य सरकारकडून लवकरच ऑगस्टच्या हप्त्याबाबत अधिकृत घोषणा करण्यात येईल. अधिकृत तारखेनंतर संबंधित महिलांच्या खात्यात थेट डीबीटीद्वारे (Direct Benefit Transfer) पैसे जमा केले जातील.
जुलैचा हप्ता झाला होता विलंबित
महिलांना जुलैचा हप्ता थोडा उशिराने मिळाला होता. तो रक्षाबंधनाच्या मुहूर्तावर ऑगस्टमध्ये जमा करण्यात आला. त्यामुळे महिलांमध्ये प्रश्न निर्माण झाला आहे की, यावेळीही ऑगस्टचा हप्ता उशिरा मिळणार का?
या महिलांना लाभ मिळणार नाही
महत्वाचे म्हणजे, लाडकी बहिण योजनेतून लाखो महिलांचे अर्ज बाद करण्यात आले आहेत. तब्बल ४२ लाख महिलांचे अर्ज अपात्र ठरले आहेत आणि त्यामुळे त्यांना पुढील हप्ते कधीही मिळणार नाहीत.
पडताळणी प्रक्रिया सुरू
अंगणवाडी सेविका महिलांच्या घरी जाऊन पडताळणी करत आहेत. ज्यांच्या घराची स्थिती, उत्पन्न किंवा इतर निकष या योजनेसाठी पात्र नाहीत अशा महिलांना योजनेचा लाभ बंद होणार आहे. त्यामुळे उर्वरित लाभार्थ्यांनी आपले कागदपत्रे व पात्रता व्यवस्थित तपासून ठेवणे आवश्यक आहे.
महिलांसाठी मोठा आधार
ही योजना लाखो महिलांसाठी जीवन जगण्याचा मोठा आधार ठरली आहे. दर महिन्याला मिळणारे १५०० रुपये घरखर्च, मुलांचे शिक्षण आणि इतर गरजांसाठी हातभार लावतात. त्यामुळे महिलांना ऑगस्टचा हप्ता कधी मिळणार याची उत्सुकता अधिकच वाढली आहे.
Comments are closed.