नवीन वर्षाच्या सुरुवातीलाच राज्य सरकारने लाडक्या बहिणींना दिलासा दिला आहे. लाडकी बहीण योजनेअंतर्गत लाभार्थी महिलांच्या बँक खात्यात अनुदानाची रक्कम जमा होण्यास सुरुवात झाली आहे. अनेक महिलांच्या मोबाईलवर ‘Amount Credited’ असे संदेश येत असून, उर्वरित पात्र महिलांच्या खात्यात पुढील ४८ ते ७२ तासांत रक्कम जमा होणार आहे.
यावेळी मिळणारी रक्कम अर्जाच्या स्थितीनुसार वेगवेगळी आहे. नियमित लाभार्थी महिलांच्या खात्यात जानेवारी महिन्याचा १,५०० रुपयांचा हप्ता जमा होत आहे. तर ज्या महिलांचे मागील हप्ते तांत्रिक कारणांमुळे रखडले होते, त्यांच्या खात्यात एकत्रित ३,००० ते ४,५०० रुपये जमा होत आहेत.
जर एसएमएस आला नसेल, तरी महिलांनी बँक बॅलन्स तपासून खात्री करावी. बँकेचा मिस्ड कॉल क्रमांक, एटीएम मिनी स्टेटमेंट, ‘नारी शक्ती दूत’ ॲपवरील पेमेंट स्टेटस किंवा PFMS पोर्टलवर खाते क्रमांक टाकूनही रक्कम जमा झाली आहे की नाही, हे पाहता येईल.
पैसे न आल्यास आधार-बँक लिंकिंग, खाते सक्रिय आहे का, तसेच जनधन खात्याची व्यवहार मर्यादा संपलेली नाही ना, याची खात्री करण्याचे आवाहन प्रशासनाने केले आहे.
सरकारने २०२६ च्या अर्थसंकल्पात या योजनेसाठी पुरेसा निधी ठेवला असून, यापुढे दरमहा १५ तारखेच्या आत हप्ता मिळेल, असे नियोजन आहे. संक्रांतीपूर्वी महिलांना आर्थिक मदत मिळावी, यासाठी यावेळी रक्कम लवकर जमा करण्यात आली आहे.
Comments are closed.