हा प्रश्न राज्यभरातील महिलांमध्ये जोरदार चर्चेत आहे. सध्या तरी सरकारकडून हप्ता जमा झाल्याची कोणतीही अधिकृत माहिती जाहीर झालेली नाही. नोव्हेंबर महिना संपत आला असतानाही अपडेट न आल्यामुळे अनेक लाभार्थी संभ्रमात आहेत.
काही प्रशासनिक विभागांकडून असा अंदाज व्यक्त केला जातो की हप्ता थोडा उशिराने मिळण्याची शक्यता नाकारता येत नाही.
दरम्यान, निवडणूक कालावधी लक्षात घेता, नोव्हेंबर–डिसेंबरचे हप्ते एकत्रितपणे किंवा स्वतंत्र स्वरूपात देण्याची शक्यता सूचित केली जात आहे. मात्र हे सर्व संभाव्य अंदाज असून, अंतिम निर्णय सरकारकडूनच होईल. अधिकृत घोषणा झाल्यानंतरच नगरपालिका/नगरपंचायतीच्या स्तरावर तसेच लाभार्थ्यांना रक्कम जमा झाल्याची माहिती कळवली जाईल. त्यामुळे चुकीच्या बातम्यांपेक्षा अधिकृत संकेतस्थळे आणि यंत्रणेकडूनच माहिती घ्यावी.
योजनेचा लाभ मिळत राहण्यासाठी eKYC ही सर्वात महत्त्वाची प्रक्रिया बनली आहे. राज्य सरकारने ई-केवायसीची अंतिम मुदत वाढवून 31 डिसेंबर 2025 केली आहे. अनेक महिलांनी अजूनही eKYC पूर्ण केले नसल्याने त्यांचे अर्ज थांबण्याची किंवा पुढील हप्त्यांवर परिणाम होण्याची शक्यता व्यक्त केली जाते. त्यामुळे लाभार्थींनी विलंब न करता eKYC पूर्ण करणे अत्यावश्यक आहे, अन्यथा हप्ते मिळण्यात अडथळे येऊ शकतात.
ई-केवायसी पडताळणीदरम्यान शासन महिला लाभार्थ्यांची सर्व माहिती तपासते — उत्पन्न मर्यादा, घरातील एकापेक्षा जास्त सदस्यांना लाभ घेतला जातो का, तसेच इतर पात्रता निकष. कोणतीही माहिती निकषांमध्ये बसत नसेल तर अर्ज बाद होऊ शकतो. त्यामुळे अर्जदारांनी आपली माहिती अचूकपणे नोंदवून अधिकृत कागदपत्रे तयार ठेवणे आवश्यक आहे. संपूर्ण प्रक्रिया स्पष्ट आणि पारदर्शक असल्याने अंतिम घोषणा सरकारकडून झाल्यानंतरच हप्ता बँक खात्यात जमा केला जाईल.
Comments are closed.