लाडकी बहीण योजना (Ladki Bahin Yojana Installment List) अंतर्गत लाभ घेणाऱ्या महिलांसाठी एक अत्यंत महत्त्वाची आणि दिलासादायक बातमी समोर आली आहे. ज्या भगिनींना नोव्हेंबर किंवा डिसेंबर महिन्याचा हप्ता अद्याप मिळालेला नाही, त्यांनी अजिबात घाबरू नये. तुमचा लाभ कायमस्वरूपी बंद झालेला नाही, तर तो केवळ तांत्रिक कारणामुळे तात्पुरता थांबवण्यात आला आहे.
महिला व बाल विकास विभागाच्या माहितीनुसार, ई-केवायसी (e-KYC) प्रक्रियेदरम्यान झालेल्या एका छोट्या तांत्रिक चुकीमुळे लाखो पात्र महिलांचे हप्ते अडकले आहेत. अनेक महिलांनी केवायसी करताना चुकून ‘Government Employee (सरकारी कर्मचारी)’ या पर्यायावर ‘हो’ क्लिक केल्यामुळे, सरकारी नोकरीत नसतानाही त्यांची नोंद सरकारी कर्मचारी म्हणून झाली आणि त्यामुळे हप्ता रोखण्यात आला. मात्र ही चूक दुरुस्त करता येण्यासारखी असून, योग्य पडताळणी झाल्यानंतर जानेवारी महिन्यासह थकलेले सर्व हप्ते थेट खात्यात जमा केले जाणार आहेत.
जर तुम्ही सरकारी नोकरीत नसाल आणि तरीही तुमचा हप्ता बंद झाला असेल, तर त्वरित तुमच्या तालुक्यातील महिला व बाल विकास विभागाच्या कार्यालयात भेट देऊन लेखी अर्ज सादर करा. अर्जात ई-केवायसीतील तांत्रिक चूक स्पष्ट नमूद करा. तसेच तुमच्या परिसरातील अंगणवाडी सेविकेशी संपर्क साधल्यास, त्यांच्या माध्यमातून घरची प्रत्यक्ष पडताळणी केली जाईल.
पडताळणीत तुम्ही पात्र आढळल्यास, पोर्टलवरील तुमचे स्टेटस पुन्हा ‘पात्र (Approved)’ केले जाईल आणि अडकलेला लाभ मिळेल. लक्षात ठेवा, ही समस्या फक्त तुमची नाही, तर राज्यातील लाखो महिलांना हा ई-केवायसीचा घोळ सहन करावा लागत आहे. त्यामुळे अफवांवर विश्वास न ठेवता रितसर प्रक्रिया पूर्ण करा. तुम्ही पात्र असाल, तर सरकार तुमचा हक्क नक्कीच देईल.
Comments are closed.