महायुती सरकारच्या लाडकी बहीण योजनेसाठी आता ई-KYC अनिवार्य करण्यात आली आहे. योजनेचा लाभ घेणाऱ्या महिला लाभार्थ्यांना आता दोन महिन्यांच्या आत आपली ई-KYC पूर्ण करावी लागेल.
फक्त ई-KYC पूर्ण केलेल्या महिलांना या योजनेसह इतर सरकारी योजनांचा लाभ मिळेल, असे शासनाने स्पष्ट केले आहे. महिला व बालकल्याण मंत्री आदिती तटकरे यांनी याबाबत माहिती दिली आहे.
ई-KYC कसे करावे – Step by Step:
मोबाईल, डेस्कटॉप किंवा लॅपटॉपच्या ब्राऊजरमध्ये www.ladakibahin.maharashtra.gov.in टाईप करा आणि Enter दाबा.
मुखपृष्ठावर e-KYC बॅनरवर क्लिक करा; e-KYC फॉर्म उघडेल.
फॉर्ममध्ये आधार क्रमांक आणि Captcha Code टाका, संमती देऊन Send OTP वर क्लिक करा.
आधार-लिंक मोबाईलवर आलेला OTP टाका आणि Submit क्लिक करा.
प्रणाली तपासेल की KYC आधीच पूर्ण आहे का;
पूर्ण असल्यास “e-KYC आधीच पूर्ण झाली आहे” असा संदेश येईल.
नसेल, तर आधार क्रमांक पात्र यादीत आहे का हे तपासले जाईल.
पात्र असल्यास पुढील टप्प्यात पती किंवा वडिलांचा आधार क्रमांक टाका, Captcha भरा आणि Send OTP क्लिक करा; OTP टाकून Submit करा.
जात प्रवर्ग निवडा आणि खालील बाबी प्रमाणित करा:
कुटुंबातील सदस्य सरकारी कर्मचाऱ्यांमध्ये नाहीत किंवा निवृत्तीनंतर निवृत्तीवेतन घेत नाहीत.
कुटुंबातील फक्त १ विवाहित व १ अविवाहित महिला या योजनेचा लाभ घेत आहे.
Checkbox टाका आणि Submit क्लिक करा.
यशस्वी झाल्यावर “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.
महत्व: सर्व लाभार्थींनी पुढील 2 महिन्यांत ई-KYC पूर्ण करणे आवश्यक आहे. ही प्रक्रिया सोपी आणि पारदर्शक आहे, ज्यामुळे पात्र लाभार्थ्यांना नियमित लाभ मिळेल.
Comments are closed.