महाराष्ट्र सरकारच्या ‘मुख्यमंत्री लाडकी बहीण’ या महत्त्वाकांक्षी योजनेअंतर्गत पात्र लाभार्थ्यांसाठी ई-केवायसी प्रक्रिया अनिवार्य करण्यात आली आहे. ही प्रक्रिया १८ सप्टेंबरपासून सुरू असून, १८ नोव्हेंबर २०२५ पर्यंत सुरू राहणार आहे. या कालावधीत सर्व पात्र महिलांनी ई-केवायसी पूर्ण करावी, असे महिला व बालविकास मंत्री अदिती तटकरे यांनी आवाहन केले आहे.
संकेतस्थळावर ई-केवायसी सुविधा उपलब्ध
‘मुख्यमंत्री माझी लाडकी बहीण’ योजनेत पारदर्शकता राखण्यासाठी आणि लाभार्थ्यांना नियमितपणे आर्थिक लाभ मिळावा यासाठी शासनाने https://ladakibahin.maharashtra.gov.in या संकेतस्थळावर ई-केवायसीची सोपी व सुलभ सुविधा उपलब्ध करून दिली आहे.
मोबाईलवरूनही सोपी प्रक्रिया
मंत्रालयात झालेल्या बैठकीनंतर तटकरे यांनी सांगितले की, महिलांनी ही प्रक्रिया स्वतःच्या मोबाईलवरून काही मिनिटांत पूर्ण करू शकते. आतापर्यंत हजारो महिलांनी यशस्वीरित्या ई-केवायसी पूर्ण केली असून, शिल्लक लाभार्थ्यांनीही लवकरात लवकर प्रक्रिया पूर्ण करावी, असे त्यांनी स्पष्ट केले.
Comments are closed.