लाडकी बहीण योजनेबाबत महत्त्वाची माहिती समोर आली आहे. e-KYC प्रक्रियेत झालेल्या त्रुटींमुळे तब्बल २६ लाख महिलांचा लाभ थांबवण्यात आला असून, यामुळे अनेक लाभार्थींमध्ये नाराजी पसरली आहे. विशेष म्हणजे, काही महिलांनी e-KYC पूर्ण करूनही डिसेंबर महिन्याचा हप्ता मिळालेला नाही.
या पार्श्वभूमीवर सरकारने आता प्रत्यक्ष पडताळणीचा निर्णय घेतला आहे. ज्या महिलांना e-KYC असूनही लाभ मिळालेला नाही, त्यांची तपासणी अंगणवाडी सेविकांमार्फत घरोघरी जाऊन केली जाणार आहे.
अंगणवाडी सेविकांकडे यादी सुपूर्द
e-KYC मुळे लाभ बंद झालेल्या महिलांची सविस्तर यादी आता संबंधित अंगणवाडी सेविकांकडे देण्यात आली आहे. या यादीच्या आधारे सेविका महिलांच्या घरी भेट देऊन त्या खरोखर पात्र आहेत की नाही, याची खातरजमा करणार आहेत.
ही प्रक्रिया सध्या अनेक ठिकाणी सुरू झाली असून, पडताळणीनंतर पात्र महिलांचा लाभ पुन्हा सुरू होण्याची शक्यता आहे. दरम्यान, कोणतीही अडचण असल्यास महिलांनी घाबरून न जाता जवळच्या अंगणवाडी केंद्राशी संपर्क साधावा, असे आवाहन प्रशासनाकडून करण्यात आले आहे.
या पडताळणीनंतर लाडकी बहीण योजनेतील लाभाबाबत अंतिम निर्णय होणार असल्याने, संबंधित महिलांसाठी हा टप्पा अत्यंत महत्त्वाचा ठरणार आहे.
Comments are closed.