आता म्युच्युअल फंडात पैसे घालणं आणखीच सोपं झालंय. आपल्या जवळच्या पोस्ट ऑफिसातूनच KYC (Know Your Customer) प्रक्रिया करता येणार. टपाल खात्यानं देशभरातल्या 1.64 लाखांपेक्षा जास्त पोस्ट ऑफिसांमधून ह्या सेवेची सुरुवात करायला घेतलीये.
टपाल खात्यानं AMFI (Association of Mutual Funds in India) सोबत करार केलाय. त्यामुळं पोस्टातले कर्मचारी तुमचं KYC फॉर्म भरायला मदत करतील, कागदपत्र तपासतील, आणि थेट म्युच्युअल फंड कंपन्यांकडं पोहोचवतील.
जे लोक म्युच्युअल फंडात नवीन गुंतवणूक करायचं बघतायत, त्यांच्यासाठी ही सुवर्णसंधी आहे. आता कुठंही धावपळ न करता पोस्टातूनच KYC करता येईल.
KYC म्हणजे ग्राहकाची ओळख पटवण्याची प्रक्रिया – जिथं आधार कार्ड, पॅन कार्ड, पत्त्याचा पुरावा लागतो. ही सगळी प्रक्रिया पारदर्शक ठेवण्यासाठी, फसवणूक टाळण्यासाठी गरजेची असते.
KYC स्टेटस कसा तपासायचा?
तुम्ही जिथं गुंतवणूक केलीये त्या फंडाच्या वेबसाइटवर जा, तिथं “KYC Status” चा पर्याय असेल. तिथं तुमचा पॅन नंबर टाका, आणि लगेच तुमची KYC वैध आहे की प्रक्रियेत आहे, की नाकारली गेली हे समजेल.
Comments are closed.