केंद्रीय विद्यालय (KVS) आणि नवोदय विद्यालय (NVS) यांच्या मोठ्या भरतीसाठी ऑनलाइन अर्ज प्रक्रिया 14 नोव्हेंबरपासून सुरू असून आतापर्यंत तब्बल 11 लाखांपेक्षा अधिक अर्ज आले आहेत.
मात्र, अनेक उमेदवारांनी अर्ज करताना पोर्टलवर अडचणी येत असल्याच्या तक्रारी CBSE कडे केल्या आहेत. सीबीएसईने स्पष्ट केलं आहे की पोर्टलमध्ये काही समस्या नसून उमेदवारांनी निवडलेली शैक्षणिक पात्रता आणि अधिसूचनेतील अनिवार्य पात्रता जुळत नसल्यामुळे त्यांचे फॉर्म पुढे जात नाहीत.
सीबीएसईने इशारा दिला आहे की KVS आणि NVS मध्ये एकाच नावाच्या पदांसाठीही पात्रतेत फरक असू शकतो. त्यामुळे उमेदवारांनी अधिसूचना नीट वाचूनच योग्य पात्रता निवडण्याचा सल्ला देण्यात आला आहे. योग्य पात्रता निवडल्यावरच अर्ज यशस्वीपणे सबमिट होईल.
या भरतीमध्ये टीचिंग व नॉन-टीचिंग मिळून 14967 पदे उपलब्ध असून यातील 9126 पदे KVS आणि 5841 पदे NVS अंतर्गत आहेत. टियर-1 परीक्षा 10 आणि 11 जानेवारी 2026 रोजी होणार आहे. अर्ज करण्याची शेवटची तारीख 4 डिसेंबर 2025 असून उमेदवार CBSE, KVS किंवा Navodaya च्या अधिकृत वेबसाइटवरून अर्ज करू शकतात.
पदांनुसार वयोमर्यादा 30 ते 50 वर्षांपर्यंत आहे. SC/ST उमेदवारांना 5 वर्षे आणि OBC उमेदवारांना 3 वर्षांची सूट मिळेल. प्राथमिक शिक्षकासाठी 12वी आणि डीएलएड/बीएलएड तसेच CTET पेपर-I आवश्यक आहे, तर JSA आणि MTS सारख्या पदांसाठी 12वी किंवा 10वीचे किमान पात्रता निकष आहेत.
टियर-1 परीक्षा OMR आधारित असून एकूण 100 प्रश्न, 300 गुण आणि प्रत्येक चुकीच्या उत्तरासाठी 1 गुण वजा केला जाईल. उमेदवारांनी मराठीसह 12 भारतीय भाषांपैकी एक भाषा निवडावी लागेल.
अर्ज शुल्क पदांनुसार ₹1700 ते ₹2800 असून SC/ST आणि दिव्यांग उमेदवारांसाठी शुल्क ₹500 आहे. शुल्काचे भरणे ऑनलाइन माध्यमातूनच करावे लागेल.
ही भरती देशभरातील उमेदवारांसाठी मोठा रोजगाराचा अवसर मानला जात असून CBSE ने पुन्हा विनंती केली आहे की अधिसूचना नीट वाचूनच अर्ज करा, अन्यथा फॉर्म सबमिट होणार नाही.
Comments are closed.