नोकरी शोधत असलेल्या महिलांसाठी आनंदाची बातमी आहे. गुजरात सरकारच्या महिला व बालविकास विभागाने अंगणवाडी सेविका, मिनी वर्कर आणि तेडागर पदांसाठी तब्बल ९९०० हून अधिक जागांसाठी भरती प्रक्रिया सुरू केली आहे.
ही पदे फक्त महिलांसाठी असून उमेदवारांनी आपल्या त्या वॉर्डमध्ये किंवा परिसरात रहाणं गरजेचं आहे जिथे पदं रिक्त आहेत. त्यासाठी ताबा प्रमाणपत्र असणं आवश्यक आहे.
अंगणवाडी सेविका आणि मिनी वर्कर पदासाठी किमान १२ वी पास असणं गरजेचं आहे, तर तेडागर पदासाठी १० वी पास पुरेसं आहे. वयोमर्यादा सेविका व मिनी वर्कर १८ ते ३३ वर्षे तर तेडागरसाठी ४३ वर्षांपर्यंत आहे.
पगार दरमहा सेविका व मिनी वर्करांना १० हजार आणि तेडागरांना ५५०० रुपये मिळतील.
या भरतीत कुठलीही परीक्षा किंवा मुलाखत नाही, निवड फक्त शैक्षणिक पात्रता आणि गुणवत्ता यादीच्या आधारे होणार आहे.
अर्ज केवळ ऑनलाईन करावा लागेल. अर्जासाठी e-hrms.gujarat.gov.in या अधिकृत संकेतस्थळाला भेट द्या.
अर्ज करण्याची शेवटची तारीख ३० ऑगस्ट २०२५ आहे, त्यामुळे वेळ न गमावता लगेच अर्ज करा.
Comments are closed.