बळपुडी (ता. इंदापूर) गावकऱ्यांनी आवाज उठवून सांगितलंय की, लोणी देवकर औद्योगिक वसाहतीतल्या वॉलमॉंट कंपनीनं बाहेरच्यांना नोकऱ्या देऊन आमच्या गावच्या बेरोजगार मुलांचं दुर्लक्ष केलंय.
आम्हाला नोकरीत पहिला हक्क पाहिजे म्हणून तहसीलदारांला निवेदन दिलंय. जर यावर काही कारवाई नाही झाली, तर १५ ऑगस्टला तहसील कार्यालयावर उपोषण करणार, असा इशारा दिलाय.
गावकऱ्यांच्या म्हणण्यानुसार, ही कंपनी गेल्या अनेक वर्षांपासून बाहेरचे मजूरच कामावर ठेवते. आमच्या गावचे तरुण, बेरोजगार, काम मागणारे लोक सतत दुर्लक्षित होतायत. सरपंच, सदस्य सगळेच वेळोवेळी तक्रार करतायत, पण कुणीच दाद देत नाही, असं लहू गाढवे म्हणाले.
“आम्हीच जमिन दिली, पण फायद्याच्या ठिकाणी नाहीच!”
वडीलधाऱ्या माणसांनी उद्योजकांसाठी कवडीमोल दराने जमीन दिली, विचार करत की आपले मुलं कामाला लागतील. पण उलट गावात कंपन्यांमुळे प्रदूषण वाढलं, जमीन गेली आणि काम कुणालाच मिळालं नाही. भरती प्रक्रियाही पारदर्शक नाहीच, सगळी चूकभरती चाललीय, असं गावकऱ्यांचं म्हणणं आहे.
Comments are closed.