भारतीय रेल्वे केटरिंग आणि टुरिझम कॉर्पोरेशन लिमिटेड (IRCTC) अंतर्गत दक्षिण मध्य विभागात हॉस्पिटॅलिटी मॉनिटर्स या पदांसाठी २०२५ साली मोठी भरती जाहीर झाली आहे. एकूण ४६ पदे भरण्यात येणार असून ही भरती २ वर्षांच्या करार पद्धतीने असेल. उमेदवाराची कामगिरी समाधानकारक असल्यास एक वर्षाची वाढ मिळू शकते.
शैक्षणिक पात्रता
अर्जदारांनी B.Sc. (Hospitality & Hotel Administration) – NCHMCT/UGC/AICTE मान्यताप्राप्त संस्था, BBA/MBA (Culinary Arts) – भारतीय पाककला संस्था (पर्यटन मंत्रालयांतर्गत), B.Sc. (Hotel Management & Catering Science) – राज्य मान्यताप्राप्त विद्यापीठ किंवा MBA (Tourism & Hotel Management) – UGC/AICTE मान्यताप्राप्त संस्था येथून शिक्षण घेतलेले असावे. तसेच, किमान २ वर्षांचा संबंधित अनुभव आवश्यक आहे.
वयोमर्यादा
सर्वसाधारण उमेदवारांसाठी कमाल वय २८ वर्षे, OBC साठी ३ वर्षे सूट, SC/ST साठी ५ वर्षे सूट, तर PwBD साठी १० वर्षे सूट लागू राहील.
मानधन (Salary Structure)
निवड झालेल्या उमेदवारांना दरमहा ₹30,000 (CTC) इतके वेतन मिळेल. त्यासोबत DA ₹350/दिवस, रात्री मुक्काम भत्ता ₹240/दिवस, राष्ट्रीय सुट्टी भत्ता ₹384, आणि वैद्यकीय विमा ₹1,400 ते ₹2,000 प्रतिमाह (वयानुसार) मिळेल.
पोस्टिंग ठिकाणे
निवड झालेल्या उमेदवारांची नियुक्ती आंध्र प्रदेश, तेलंगणा, महाराष्ट्र, ओडिशा आणि छत्तीसगड या राज्यांतील विविध रेल्वे स्थानकांवर केली जाईल. आवश्यकतेनुसार भारतभर बदली होऊ शकते.
कर्तव्याचे स्वरूप
उमेदवारांना वंदे भारत, मेल/एक्सप्रेस आणि टुरिस्ट ट्रेनमधील भोजनसेवा निरीक्षण, बेस किचनमधील अन्नगुणवत्ता तपासणी, प्रवाशांच्या अभिप्रायाचे संकलन, तसेच स्वच्छता व केटरिंग मानकांचे पालन सुनिश्चित करण्याची जबाबदारी सोपवली जाईल.
इतर अटी
निवड झाल्यानंतर उमेदवारांनी ₹25,000/- ची सुरक्षा ठेव जमा करावी लागेल. एका वर्षाच्या आधी नोकरी सोडल्यास ही रक्कम जप्त केली जाईल. कोणताही TA/DA दिला जाणार नाही. तसेच MS Office आणि रिपोर्टिंगचे ज्ञान आवश्यक आहे.
मुलाखतीचे ठिकाण व तारीख
स्थळ: IRCTC, दक्षिण मध्य विभागीय कार्यालय, 1ला मजला, ऑक्सफर्ड प्लाझा, सरोजिनी देवी रोड, सिकंदराबाद – 500003
तारीख: 13 आणि 14 नोव्हेंबर 2025
अर्ज प्रक्रिया
अर्ज फक्त Walk-In Interview द्वारे स्वीकारले जाणार आहेत. अधिक माहिती व अद्ययावत नोटिफिकेशनसाठी अधिकृत संकेतस्थळास भेट द्या www.irctc.com
थोडक्यात सारांश
IRCTC मध्ये हॉटेल मॅनेजमेंट पदवीधरांसाठी सरकारी क्षेत्रात अनुभव मिळवण्याची उत्तम संधी! दरमहा ₹30,000 पर्यंत वेतन, भत्ते आणि स्थिर करिअरचा मार्ग खुला!
Comments are closed.