इंडियन ऑइल कॉर्पोरेशन लिमिटेड (IOCL) ने Junior Engineer पदांच्या भरतीसाठी आजपासून ऑनलाइन अर्ज प्रक्रिया सुरू केली आहे. या भरतीद्वारे एकूण ३९४ पदे भरली जाणार असून, पात्र व इच्छुक उमेदवार ९ जानेवारी २०२६ पर्यंत अर्ज करू शकतात. ही भरती देशभरातील तरुणांसाठी सरकारी नोकरीची मोठी संधी मानली जात आहे.
या पदांसाठी अर्ज करणाऱ्या उमेदवारांचे किमान वय १८ वर्षे आणि कमाल वय २६ वर्षे असणे आवश्यक आहे. उमेदवारांचे वय ३१ डिसेंबर २०२५ रोजी ग्राह्य धरले जाईल. तसेच, SC/ST उमेदवारांना ५ वर्षांची, तर OBC उमेदवारांना ३ वर्षांची वयोमर्यादा सवलत देण्यात येणार आहे.
Junior Engineer पदावर निवड झालेल्या उमेदवारांना दरमहा ₹२५,००० ते ₹१,०५,००० इतके आकर्षक वेतन दिले जाणार आहे. त्यामुळे तांत्रिक शिक्षण घेतलेल्या उमेदवारांसाठी ही भरती विशेष महत्त्वाची ठरत आहे.
शैक्षणिक पात्रतेच्या दृष्टीने, उमेदवारांकडे मान्यताप्राप्त संस्थेतून Chemical Engineering, Chemical Technology, Mechanical Engineering, Electrical किंवा Electronics Engineering मध्ये तीन वर्षांचा डिप्लोमा असणे आवश्यक आहे. यासोबतच IOCL ने ठरवलेल्या इतर अटी व पात्रता लागू असतील.
अर्ज करण्यासाठी उमेदवारांनी www.iocl.com या अधिकृत संकेतस्थळावर जावे. होमपेजवरील “What’s New” विभागात जाऊन “Click here to Apply Online” या लिंकवर क्लिक करावे. त्यानंतर मोबाईल नंबर व ई-मेल आयडीच्या माध्यमातून नोंदणी करून आवश्यक कागदपत्रे अपलोड करावीत आणि अर्ज पूर्ण केल्यानंतर त्याचा प्रिंटआउट जतन करून ठेवावा.
Comments are closed.