भारतीय सैन्यात अग्निवीर भरती 2026 – ऑनलाईन अर्ज प्रक्रिया सुरू! | Indian Army Agniveer Recruitment 2026 Begins!

Indian Army अंतर्गत Agniveer CEE Recruitment 2026 साठी नवीन भरती अधिसूचना जाहीर करण्यात आली आहे. इच्छुक उमेदवारांसाठी ऑनलाईन अर्ज प्रक्रिया 13 फेब्रुवारी 2026 पासून सुरू झाली असून अर्ज करण्याची अंतिम तारीख 01 एप्रिल 2026 आहे. उमेदवारांनी अर्ज करण्यापूर्वी संपूर्ण अधिकृत अधिसूचना काळजीपूर्वक वाचावी. अर्ज अधिकृत संकेतस्थळ joinindianarmy.nic.in वरूनच करावयाचा आहे.

या भरतीअंतर्गत Agniveer GD, Technical, Assistant, Store Keeper, Tradesman, Women Military Police, Soldier Technical (Nursing Assistant), Sepoy Pharma तसेच JCO Religious Teacher (धर्मगुरू) अशा विविध पदांसाठी भरती होणार आहे. विविध पदांसाठी 8वी, 10वी, 12वी उत्तीर्ण तसेच संबंधित विषयातील पदवी किंवा डिप्लोमा आवश्यक आहे. काही पदांसाठी D.Pharma/B.Pharma पात्रता व फार्मसी कौन्सिल नोंदणी आवश्यक आहे.

वयोमर्यादा पदानुसार वेगवेगळी ठेवण्यात आली आहे. Agniveer पदांसाठी साधारणतः 17½ ते 21 वर्षे, Soldier Technical साठी 17½ ते 23 वर्षे, Sepoy Pharma साठी 19 ते 25 वर्षे तर JCO Religious Teacher साठी 27 ते 34 वर्षे वयोमर्यादा लागू आहे (दि. 01 जुलै 2026 अनुसार). अर्ज शुल्क सर्व प्रवर्गांसाठी ₹250/- असून ते ऑनलाइन पद्धतीने (Debit/Credit Card, Net Banking) किंवा ई-चलनद्वारे भरता येईल.

शारीरिक पात्रतेमध्ये उंची, छाती माप (लागू असल्यास), 1.6 किमी धावण्याची वेळ, पुल-अप्स, लांब उडी, उंच उडी इत्यादी निकष निश्चित करण्यात आले आहेत. महिलांसाठीही स्वतंत्र शारीरिक निकष लागू आहेत. निवड प्रक्रिया लेखी परीक्षा (CEE), शारीरिक चाचणी (PET/PST), कागदपत्र पडताळणी, वैद्यकीय तपासणी आणि अंतिम निवड अशा टप्प्यांमध्ये पार पडेल. लेखी परीक्षा 01 ते 16 जून 2026 दरम्यान होण्याची शक्यता आहे.

अग्निवीर योजनेअंतर्गत निवड झालेल्या उमेदवारांना पहिल्या वर्षी ₹30,000 मासिक पॅकेज (हाती सुमारे ₹21,000), दुसऱ्या वर्षी ₹33,000, तिसऱ्या वर्षी ₹36,500 आणि चौथ्या वर्षी ₹40,000 पर्यंत वेतन मिळेल. त्यातील 30% रक्कम Agniveer Corpus Fund मध्ये जमा केली जाईल व तितकीच रक्कम भारत सरकारकडून जमा केली जाईल.

अर्ज करण्यासाठी प्रथम अधिकृत अधिसूचना वाचा, त्यानंतर अधिकृत संकेतस्थळावर जाऊन नोंदणी करा, आवश्यक कागदपत्रे अपलोड करा, अर्ज शुल्क भरा आणि अर्जाचा प्रिंटआउट सुरक्षित ठेवा. अधिक माहितीसाठी उमेदवारांनी अधिकृत वेबसाइटलाच भेट द्यावी.