पेन्शनधारकांसाठी महत्त्वाची बातमी समोर आली आहे. सरकारी कर्मचाऱ्यांना निवृत्तीनंतर विविध लाभ मिळतात, त्यापैकी सर्वात महत्वाचा लाभ म्हणजे पेन्शन. मात्र, सरकारकडून काही लोकांची पेन्शन लाइफ सर्टिफिकेट सादर न केल्यामुळे थांबवण्यात येत आहे.
दरवर्षी पेन्शन धारकांनी नोव्हेंबर महिन्यात जीवन प्रमाणपत्र सादर करणे बंधनकारक आहे, ज्यामुळे सरकारला हे पडताळणी करता येते की पेन्शन योग्य व्यक्तीला मिळत आहे की नाही. या वर्षीही देशभरातील लाखो पेन्शनधारकांनी ३० नोव्हेंबर पर्यंत जीवन प्रमाणपत्र सादर केले, परंतु काही लोकांनी ही मुदत पाळली नाही.
ज्या पेन्शन धारकांनी जीवन प्रमाणपत्र सादर केलेले नाही, त्यांची पेन्शन थांबवण्यात येणार आहे. मात्र, घाबरण्याची गरज नाही. आवश्यक कागदपत्रे सादर केल्यावर पेन्शन पुन्हा सुरू केली जाईल, फक्त काही दिवसांची विलंब होऊ शकते. लाइफ सर्टिफिकेट सादर केल्यानंतरच पेन्शन नियमितपणे खातेात जमा होईल.
Comments are closed.