भारतीय चार्टर्ड अकाउंटंट्स संस्था (ICAI) ने अखेर CA जानेवारी 2026 परीक्षेचे अधिकृत वेळापत्रक (Datesheet) जाहीर केले आहे. या वेळापत्रकात Final, Intermediate आणि Foundation या सर्व स्तरांच्या परीक्षांचा समावेश आहे. इच्छुक उमेदवारांना अधिकृत संकेतस्थळावर icai.org येथे हे वेळापत्रक पाहता येणार आहे.
अंतिम (Final) परीक्षा दिनांक
वेळापत्रकानुसार, Final Course (Group 1) परीक्षा ५, ७ आणि ९ जानेवारी 2026 रोजी होणार आहे. तर Group 2 ची परीक्षा ११, १३ आणि १६ जानेवारी 2026 रोजी पार पडेल. या दोन्ही गटांच्या परीक्षा दुपारी २ ते ५ किंवा काही विषयांसाठी २ ते ६ या वेळेत होतील.
इंटरमिजिएट (Inter) परीक्षा दिनांक
Intermediate Course (Group 1) परीक्षा ६, ८ आणि १० जानेवारी 2026 रोजी आयोजित केली आहे. तर Group 2 ची परीक्षा १२, १५ आणि १७ जानेवारी 2026 रोजी होईल. इंटर स्तरावरील ही परीक्षा देशभरातील ठिकाणी एकाच वेळी होणार आहे.
फाउंडेशन (Foundation) परीक्षा दिनांक
Foundation Course परीक्षा १८, २०, २२ आणि २४ जानेवारी 2026 रोजी होईल. या परीक्षेतील पेपर ३ व ४ हे २ तासांचे असतील, तर उर्वरित सर्व परीक्षा ३ तासांच्या राहतील.
आंतरराष्ट्रीय कर व इतर परीक्षा
याशिवाय International Taxation – Assessment Test (INTT-AT) परीक्षा १३ आणि १६ जानेवारी 2026 रोजी होईल. तसेच Insurance & Risk Management Technical Exam या विषयाच्या परीक्षा ९, ११, १३ आणि १६ जानेवारी 2026 रोजी घेतल्या जाणार आहेत. या परीक्षा मुख्यतः ४ तासांच्या कालावधीच्या असतील.
सणामुळे सुट्टी
१४ जानेवारी 2026 रोजी मकर संक्रांत / माघ बिहू / पोंगल या सणांमुळे देशभर परीक्षा होणार नाही. त्यामुळे विद्यार्थ्यांना त्या दिवशी विश्रांती मिळणार आहे.
अर्ज प्रक्रिया व अंतिम मुदत
ICAI CA जानेवारी 2026 परीक्षा अर्ज प्रक्रिया ३ नोव्हेंबर 2025 पासून सुरू होणार आहे. अर्ज सादर करण्याची शेवटची तारीख १६ नोव्हेंबर 2025 आहे. विलंब शुल्कासह अर्ज पाठविण्याची शेवटची तारीख १९ नोव्हेंबर 2025 निश्चित केली आहे.
अधिकृत संकेतस्थळावर माहिती उपलब्ध
फाउंडेशन, इंटर व फायनल या तिन्ही स्तरांवरील परीक्षांसाठी उमेदवारांना इंग्रजी अथवा हिंदी माध्यमाची निवड करण्याची परवानगी राहील. अधिक माहिती व तपशीलवार वेळापत्रकासाठी उमेदवारांनी ICAI च्या अधिकृत संकेतस्थळास भेट द्यावी.
Comments are closed.