देशातील अग्रगण्य संशोधन संस्थांपैकी एक असलेल्या गुवाहाटी येथील IASST मध्ये लाइफ सायन्सेस क्षेत्रातील विद्यार्थ्यांसाठी इंटर्नशिप आणि डिसर्टेशनची उत्तम संधी उपलब्ध झाली आहे.
विद्यार्थ्यांना मायक्रोबायोलॉजी, बायोटेक्नॉलॉजी, ड्रग डिस्कव्हरी, बायोमेडिसिन यांसारख्या विविध क्षेत्रांत प्रत्यक्ष संशोधनाचा अनुभव घेता येणार आहे.
विज्ञान व तंत्रज्ञान विभागाच्या अंतर्गत कार्यरत असलेली ही संस्था आधुनिक संशोधन साधनांनी सुसज्ज असून विद्यार्थ्यांना प्रगत प्रयोगशाळांमध्ये काम करण्याची संधी देते. येथे भौतिक, रासायनिक आणि जीवनशास्त्र या विविध शाखांमध्ये संशोधन केले जाते.
2026-27 साठी 2 महिन्यांच्या समर इंटर्नशिप तसेच 6 महिन्यांच्या प्रोजेक्ट डिसर्टेशनसाठी अर्ज मागविण्यात आले आहेत. बीएससी, बीटेक, एमएससी, एमटेक अशा विविध अभ्यासक्रमातील विद्यार्थी त्यांच्या पात्रतेनुसार अर्ज करू शकतात.
या प्रक्रियेसाठी निवड गुणवत्तेनुसार किंवा मुलाखतीद्वारे केली जाणार असून निवड यादी अधिकृत संकेतस्थळावर प्रसिद्ध केली जाईल. इंटर्नशिपसाठी कोणतेही शुल्क आकारले जाणार नाही, मात्र डिसर्टेशनसाठी दरमहा 2500 रुपये शुल्क भरावे लागेल.
इच्छुक विद्यार्थ्यांनी 20 मार्च 2026 पर्यंत ऑनलाईन अर्ज करणे आवश्यक आहे. इंटर्नशिप जून 2026 पासून तर डिसर्टेशन जुलै 2026 पासून सुरू होणार आहे.
ही संधी विद्यार्थ्यांना संशोधन कौशल्य, प्रयोगशाळेतील अनुभव आणि भविष्यातील करिअरसाठी आवश्यक ज्ञान मिळवण्यासाठी अत्यंत उपयुक्त ठरणार आहे.
Comments are closed.